یاریگا –
ئینزۆ زیدان لە تەمەنی 29 ساڵی وازهێنانی یەکجارەکی لە یاریکردن راگەیاند، کە ئەم هاوینە بێ یانە مابووەوە.
ئینزۆ کوڕە گەورەی زینەدین زیدان ئەستێرە و راهێنەری بەناوبانگی فەڕەنسی لە تەمەنی 29 ساڵی بڕیاریدا بەیەکجاریی واز لە یاریکردن بهێنێت، کە ئەو کوڕەی زیزۆ درێسی یانەکانی ریال مەدرید و دیپۆرتیڤۆ ئالاڤێسی ئیسپانی پۆشیوە.
رۆژنامەی ئاسی ئیسپانی ئاشکرایکردووە، ئینزۆ کە زیاتر لە دوو مانگە بەبێ یانە ماوەتەوە، دوای تەواوبوونی گرێبەستەکەی لەگەڵ فوینلابرادا بەبێ یانە مایەوە و بڕیاریدا کۆتایی بە کاروانی وەرزشی بهێنێت و زیاتر کاری بازرگانی بکات، کە ساڵی 2017 کاتێک زیزۆ راهێنەرایەتی ریال مەدریدی دەکرد بانگهێشتی کوڕەکەی کرد بۆ تیپی یەکەمی یانە مەدریدییەکە.
🚨 Enzo Zidane lo deja ‼️
🔚 El hijo del mítico centrocampista francés jugó en el #RealMadrid y en el #Alavés
🔗 Te contamos más: https://t.co/BSF3KCTrwe pic.twitter.com/PIhFggAl8Z— Diario AS (@diarioas) September 24, 2024
ئینزۆ (29 ساڵان) نەیتوانی شوێنپێی باوکی بگرێت و ببێتە ئەستێرەیەکی گەورەی تۆپی پێ، هەربۆیە دوای بێ هیوابوونی بڕیاریداوە زیاتر گرنگی بە منداڵەکانی بدات کە ئەو کوڕە گەورەی زیدان باوکی سێ کچە و کاری وەبەرهێنان دەکات.
ئینزۆ ساڵی 2004 لە تیپی لاوانی یوڤێنتۆس دەستی بە یاریی کرد و درێسی یانەکانی ئەلمێریای ئیسپانی و رۆدێزی فەڕەنسیشی پۆشیوە، دوایین وێستگەی یاریکردنی لە خولی پلە سێی ئیسپانیا بوو کاتێک درێسی فوینلابرادای دەپۆشی.
