یاریگا –
یانەی پاریس سانجێرمانی فەڕەنسی دەیەوێت گرێبەستی ئەشرەف حەكیمی ئەستێرەی مەغریبی یانەكەی نوێ بكاتەوە.
گرێبەستەكەی ئێستای ئەشرەف حەكیمی لەگەڵ پاریس سانجێرمان لە هاوینی ساڵی 2026 بەسەردەچێت.
🚨🔴🔵 PSG are working on new deal for Achraf Hakimi, one of the players considered key for long term project.
Talks already started and PSG are on it. pic.twitter.com/1qKXNxyfiE
— Fabrizio Romano (@FabrizioRomano) September 23, 2024
بە گوێرەی زانیارییەكانی فابریزیۆ رۆمانۆ، پاریس سانجێرمان كار لەسەر نوێكردنەوەی گرێبەستی ئەشرەف حەكیمی دەكات، یانەكە گفتوگۆكانی دەستپێكردووە.
بەوەش یانە فەڕەنسیەكە دەیەوێت یاریزانەكە لەو دەنگۆیانە دووربخاتەوە كە باسیان لە رۆیشتنی لە یانەكە و گەڕانەوە بۆ ریزەكانی ریال مەدرید دەكرد.
ئەشرەف حەكیمی لە هاوینی ساڵی 2021 لە ریزەكانی ئینتەر میلانەوە بە بەهای 68 ملیۆن یۆرۆ پەیوەندی بە پاریس سانجێرمانەوە كرد.
ئەستێرە مەغریبیەكە لەگەڵ پاریس بەشداری لە 125 یاری كردووە و توانیویەتی 15 گۆڵ بكات و 21 گۆڵیش درووست بكات.
