یاریگا –
یاریزانێکی پێشووی ریاڵ مەدرید دەیەوێ فریای قەیرانەکەی بارسێلۆنا بکەوێت و پەیوەندی بە یانە کەتەلۆنیەکەوە بکات.
دوای ئەوەی ئەمڕۆ بە فەرمی راگەیەندرا کە مارک ئاندری تێر شتیگن بەهۆی ئەو پێکانەکەی لە یارییەکەی ڤیاڕیاڵ تووشی هات پێویستی بە نەشتەرگریە لە ئەژنۆیدا و ئەم وەرزە بۆی کۆتایی هاتووە، هەرزوو رۆشناییەکان چوونە سەر چەند بژاردەیەکی خێرا، لەنێویاندا کایلۆر ناڤاسی کۆستاریکی.
بەگوێرەی نوێترین زانیاریەکان، ئەو گۆڵپارێزەی پێشووی ریاڵ خۆشحاڵ دەبێ بە پوەیدەنیکردنی بە بارساوە بۆ شوێنگرتنەوەی شتیگن و ئامادەشە دەستبەجێ ئەوە ڕووبدات بەوپێیەی ئێستا ناڤاس بێ یانەیە.
🚨 Keylor Navas wants to join Barcelona! He would be happy to replace Ter Stegen and he would join immediately as he is a free agent.
His salary demands will NOT be an issue.
(Source: @martinezferran) pic.twitter.com/oUSNxup8zk
— Transfer News Live (@DeadlineDayLive) September 23, 2024
بەگوێرەی زانیارییەکانی رۆژنامەی موندۆ دیپۆرتیڤۆی ئیسپانی، ناڤاس تەنانەت کێشەی مووچەشی نابێ لە باری پەیوەندیکردنی بە یانە رکابەرەکەی پێشوویەوە.
کایلۆر ئێستا تەمەنی 36 ساڵە و لە وەرزی 2014-2019 پارێزگاری لە تۆڕی شاهانەکانی ئیسپانیای دەکرد پێش ئەوەی بگوازرێتەوە بۆ پاریس سانجێرمان.
