مێژووی هەولێر و دیالا لە بەرژەوەندی کوڕانی قەڵاو منارەیە

یاریگا –

هەولێر لە یاریگای خۆی یەکەم یاریی خولی ئەستێرەکانی عێراق دەکات و بە فەرمیش خولەکە بۆ وەرزی نوێ دەستپێدەکات.

هەینی ( 20ـی ئەیلول / سێبتێمەری 2024) هەولێر لە یەکەم یاریی خۆیدا و لە دەسپێکی یارییەکانی وەرزی نوێی خولی ئەستێرەکانی عێراق میوانداری دیالا دەکات، لە مێژوودا هەر دوو یانە 27 یاریی فەرمیان بەرامبەر یەکتر کردووە، هەولێر توانیویەتی لە 13 یارییدا سەرکەوتن تۆمار بکات، لە بەرامبەریشدا دیالا هەشت سەرکەوتنی هەیە و لە شەش یاریشدا یەکسان بوونە.

یەکەم یاریی نێوانیان لە 20 _ 3 _ 1975 بوو لە خولی پلە دووی عێراق کە دیالا بە ئەنجامی 2 _ 0 سەرکەوتنی بە دەستهێناوە، کۆتا یاریی فەرمی نێوانیشیان لە 16 _ 4 _ 2011 بوو لە خولی نایابی عێراق کە هەولێر توانی بە ئەنجامی 4 _ 0 یارییەکە بباتەوە.

گەورەترین سەرکەوتنی هەولێر لە خولی نایابی عێراق بۆ وەرزی 2009 _ 2010 بوو لە قۆناخی دووەمی خولی نایابی عێراق و هەولێر توانی بە ئەنجامی 5 _ 0 یارییەکە بباتەوە، گەورەترین سەرکەوتنی دیالا بەرامبەر هەولێر لە خولی پلە دووی عێراق بوو بۆ وەرزی 1976 _ 1977 کە توانیان بە ئەنجامی 4 _ 1 هەولێر تووشی شکست بکەن، تا ئێستا هەولێر توانیویەتی 45 گۆڵ تۆمار بکات و دیالاش 27 گۆڵی لە یانەی هەولێر تۆمار کردووە.

دوای 13 ساڵ چاوەڕوانی جارێکی تر دیالا گەڕایەوە ریزی گەورەکانی عێراق و کۆسرەت بایز تاکە یاریزانی کوردە یاریی بۆ ئەم یانەیە دەکات.