تۆتنهام لەترسی ریال مەدرید گرێبەستی ئەستێرەیەکی نوێ دەکاتەوە
یاریگا –
ریال مەدرید بە وردی چاودێری کریستیان رۆمێرۆی ئەرجەنتینی دەکات و تۆتنهامیش ترسی لێ نیشتووە.
ماڵپەڕی فووتبۆڵ ئیسپانیا بڵاویکردووەتەوە، هەوڵەکانی تۆتنهام بۆ نوێکردنەوەی گرێبەستی کریستیان رۆمێرۆی ئەرجەنتینی دەستیپێکردووە و سپێرز دەیەوێت گرێبەستەکەی بۆ ماوەیەکی درێژ نوێبکاتەوە.
#Spurs are yet to open talks with Cristian Romero over a new deal. @caughtoffside #RealMadrid pic.twitter.com/cQ7WgJ4M8p
— Football España (@footballespana_) September 19, 2024
بەهۆی هەڵکشانی تەمەنی دەیڤد ئالابا و ئانتۆنی رودیگێر، ریال مەدرید لە ئێستاوە پلان بۆ نوێکردنەوەی هێڵی بەرگری تیپەکەت دادەنێت.
ئالێکساندەر ئارۆنۆڵدی ئەستێرەی لیڤەرپوول، ئالفۆنسۆ دەیڤزی ئەتسێرەی بایرن میونشن و کریستیان رۆمێرۆی ئەستێرەی تۆتنهام ئامانجی سەرەکی یانە ئیسپانییەکەن و دەیەوێت گرێبەستیان لەگەڵ واژۆ بکات.
رۆمێرۆ تاوەکو هاوینی 2027 گرێبەستی لەگەڵ تۆتنهام ماوە، بەڵام یانە لەندەنییەکە لەترسی هەوڵەکانی ریال مەدرید دەیەوێت گرێبەستەکەی بە بەرزکردنەوەی مووچەکەی نوێبکاتەوە و رێگە لە رۆیشتنی بگرێت.
رۆمێرۆ لە هاوینی 2022 بەبڕی 52 ملیۆن یۆرۆ لە ئاتاڵانتای ئیتاڵییەوە پەیوەندی بە تۆتنهام کردووە. لە سەرجەم پاڵەوانێتییەکان بەشداری 102 یاریی بۆ یانەکەی کردووە، 7 گۆڵی کردووە و گۆڵێکی دروستکردووە.
