یاریگا –
ئادریێن رابیۆ و یانە نوێیەکەی گەشتوونەتە ئاستێکی پێشکەوتوو لە گفتوگۆکانیان بۆ گواستنەوەی یاریزانە فەڕەنسییەکە.
رابیۆ کە لە 2019 تا 2024 درێسی یوڤێنتوسی پۆشی، ئەم هاوینە دوای کۆتایی هاتنی وەرزی رابردوو گرێبەستەکەی بەسەرچوو. تیاگۆ مۆتای راهێنەری نوێیش نەیویست بۆی نوێبکرێتەوە.
بەگوێرەی زانیارییەکانی فابریزۆ رۆمانۆ کە تۆزێک پێش ئێستا بڵاویکردەوە، یانەی ئۆڵێمپیک مارسیلیا دڵنیان لەوەی لەماوەی 48 کاتژمیری داهاتوودا گواستنەوەکەی یەکلایی بکەنەوە.
رابیۆ یاریزانێکی ئازادە و بەوەش مارسیلیا تەنها مووچەکەی دەخاتە ئەستۆی یانەکە.
ئەو یاریزانە ئەزموونی خولی وڵاتەکەی زۆرە و لە 2012 بۆ 2019 یاریزانی پاریس سانجێرمان بووە. دوو جاریش بە خواستن نێردرابوو بۆ تولوزی هەمان خول.
🔵⚪️ Olympique Marseille are confident to get Adrien Rabiot deal done in the next 48 hours, almost there.
Rabiot has opened doors to OM project despite rich proposals from abroad. pic.twitter.com/GfVUzFT9lB
— Fabrizio Romano (@FabrizioRomano) September 15, 2024
رۆمانۆ زانیوشیەتی کە ئەو ناوەراستکارە 29 ساڵانە ئۆفەری گرانیشی لە یانەکانی دیکەوە بۆ پێشخرابوو، بەڵام بە ئۆفەری مارسیلیا رازی بووە.
