یاریگا –
کەمێک بەر لە ئێستا، یانەی نەسڕ بڵاویکردەوە، کریستیانۆ رۆناڵدۆ گەشتی بەغدا ناکات.
یانەی نەسڕ لە بەیاننامەیەکدا بڵاویکردووەتەوە، رۆناڵدۆ نەخۆشکەوتووە و ناتوانێت لەگەڵ شاندی یانەکە گەشتی بەغدا بکات.
لە بەیاننامەکەی نەسڕدا هاتووە
کریستیانۆ رۆنالدۆ، کاپتنی یانەکە نەخۆشکەوتووە، دوای چەندین پشکنین، تیمی پزیشکی بڕیاریداوە، رۆنالدۆ پێویستی بە حەسانەوەیە و ناتوانێت لەگەڵ شاندی یانەکە گەشت بکات.
تقرير طبي 📄 pic.twitter.com/rLDDdFcHHl
— نادي النصر السعودي (@AlNassrFC) September 15, 2024
سبەی دووشەممە، لە گەڕی یەکەمی خولی بژاردەی یانەکانی ئاسیا، شوڕتە و نەسڕ لە یاریگای مەدینە رووبەڕووی یەکتر دەبنەوە.
پێشتر فەهد جلعودی، رۆژنامەنووسێکی سعووی ئامادەبوونی کریستیانۆ رۆناڵدۆ لە یارییەکەی شوڕتە و نەسڕ لە بەغدا راگەیاندبوو.
رۆژنامە سعوودییەکە لە لێدوانێکیدا لەبارەی هاتنی کریستیانۆ رۆناڵدۆ بۆ عێراق رایگەیاندبوو
کریستیانۆ رۆناڵدۆ بۆ یارییەکەی شوڕتە و نەسڕ ئامادە دەبێت و دێتە بەغدا، لە سەرووی لیستی یاریزانانی نەسڕ دەبێت بۆ ئەو یارییە.
هەموو شتێک بزانە؛ نرخی بلیت، هاتووچۆ و هۆتێل بۆ یاریی لووتکەی شوڕتە و نەسڕ لە بەغدا
لە بەدواداچوونێکی تۆڕی وەرزشی یاریگادا، نرخی بلیتی یارییەکە بەسەر چەند کاتێگۆرییەک دابەشکراوە و نرخی گرانترین بلیت دەگاتە 50 هەزار دینار.
نرخی بلیتەکان بەمشێوەی خوارەوەیە؛
کاتێگۆری یەک: 25 هەزار دینار
کاتێگۆری دوو: 15 هەزار دینار
زۆنی ڤی ئای پی (VIP): 50 هەزار دینار (ناوەڕاستی یاریگا)
