یاریگا –
زانیاریی نوێ و جیاواز گەشت لەبارەی بابەتی مانەوەی جۆشوا کیمیچ لەگەڵ بایرن میونشن.
ماوەیەکە دەنگۆی زۆر هەن کە ئەو یاریزانە لەدوای ئەم وەرزەوە گرێبەستەکەی نوێ ناکاتەوە و وەک یاریزانی ئازاد دەڕوات.
بەهێزترین دەنگۆکانیش بە یانەی بارسێلۆناوە دەیانبەستەوە.
لە ئێستادا زانیارییەکان شتێکی دیکە دەڵێن و فلۆریان پلێتینبێرگی رۆژنامەنووسی سکای سپۆرتس ئاشکرایکردووە کە ئەستێرە ئەڵمانییەکە جەختیکردووەتەوە لە ویستی خۆی بۆ دانیشتن لەگەڵ بەرپرسانی یانەکەی و گفتوگۆ لەبارەی درێژترکردنەوەی گرێبەستەکەی بۆ دوای 2025.
🚨 Joshua Kimmich has confirmed he is willing to sit down for talks with Bayern Munich over extending his contract beyond 2025.
(Source: @Plettigoal ) pic.twitter.com/91Apt3LOYB
— Transfer News Live (@DeadlineDayLive) September 14, 2024
یاریزانە 29 ساڵانەکە وەرزی رابردوو لە 28 یاریی بۆندزلیگا بەشداریکرد. کیمیچ یەکێکە لە دیارترین یاریزانە دێرینەکانی ئێستای بایرن کە ماوەی نۆ ساڵە لەو یانەیە بەردەوامە.
ڤینسنت کۆمپانی نایەوێ لە ئێستادا لەدەستی بدا و دەیەێ سوود لە ئەزموونە زۆرەکەی وەربگرێت بۆ پرۆژەکەی لە بایرن.
