یاریگا –
نەسڕ بەهۆی ئەنجامە خراپەکانی دوای گەڕانەوەی لە بەغدا راهێنەرەکەی دەگۆڕێت، چەند راهێنەرێک بەربژێرن بۆ ئەوەی شوێنی لویس کاسترۆ بگرنەوە.
ئەحمەد جەدی رۆژنامەنووسی سعوودی دوای یارییەکەی نەسڕ و ئەهلی رایگەیاندووە، دوورخستنەوەی لویس کاسترۆ لە ئەرکی راهێنەرایەتی یانەی نەسڕ یەکلابووەتەوە، دوای یارییەکەیان بەرامبەر شوڕتە راهێنەرەکە لە پۆستەکەی دوور دەخرێتەوە.
“خاص”
تأكد رحيل مدرب النصر كاسترو 💙💛👏🏻#النصر_الأهلي #النصر pic.twitter.com/6qXU7GLuhL
— احمد الجدي (@ahmed_aljadi68) September 13, 2024
لویس کاسترۆ (63 ساڵان) لەوەتەی هاوینی 2023 ئەرکی راهێنەرایەتی یانەی نەسڕی سعوودی وەرگرتووە، راهێنەرە پۆرتوگاڵییەکە ئەم وەرزە دەستپێکێکی خراپی هەیە، دوای ئەوەی لەگەڵ ریاز یەکسان بوو، ئەم هەفتەیە بەرامبەر ئەهلیش یەکسان بوون و لە سێ گەڕی خولی رۆشنی سعوودی چوار خاڵیان لەدەست داوە.
میدیاکانی سعوودیە ئاشکرایان کردووە، بەرپرسانی یانەی نەسڕ بڕیاری دوورخستنەوەی لویس کاسترۆیان داوە و دوای یارییەکەی دووشەممە لە خولی بژاردەکانی ئاسیا بەرامبەر شوڕتە، بڕیاری دوورخستنەوەی راهێنەرە پۆرتوگاڵییەکە رادەگەیەنن.
بەرپرسانی یانەی نەسڕ لە ئێستاوە بەدوای شوێنگرەوەی کاسترۆ دەگەڕێن و هەریەکە لە تێری هێنری، ستیفانۆ پیۆلی، ماسیمیلیانۆ ئەلێگری و سێرجیۆ کۆنسیساو بەربژێرن بۆ ئەوەی دوای یارییەکەی شوڕتە ئەرکی راهێنەرایەتی یانە سعوودییەکە بگرنە ئەستۆ.
