ریال مەدرید گرێبەستی ئەستێرەیەکی نوێکردەوە
یاریگا –
بەشێوەیەکی فەرمی ریال مەدرید گرێبەستی لونینی نوێکردەوە.
ماڵپەڕی فەرمی ریال مەدرید بڵاویکردووەتەوە، بەفەرمی لەگەڵ ئاندرێ لونینی ئۆکراینی گەیشتوونەتە رێککەوتن و گرێبەستی گۆڵپارێزەکەیان تاوەکو هاوینی 2030 نوێکردووەتەوە.
🤩 #Lunin2030 🤩 pic.twitter.com/gRcPPvcN0M
— Real Madrid C.F. (@realmadrid) September 13, 2024
لوین بەهۆی گەڕانەوەی تیبۆ کۆرتوای بەلجیکی و لەدەستدانی پێگەکەی لە پێکهاتەی سەرەکی، نزیکبوو لەم هاوینە ریال مەدرید جێبهێڵێت. بەڵام لەکۆتاییدا لە مەدرید مایەوە و گرێبەستەکەی نوێکردەوە.
گۆڵپارێزە تەمەن 25 ساڵانییەکە بەهۆی پێشکەشکردنی ئاستێکی بەرز لە وەرزی رابردوو و بەدەستهێنانی نازناوی چامپیۆنزلیگ، لالیگ و جامی سوپەری ئیسپانیا. پاڵێوراوە بۆ بەدەستهێنانی خەڵاتی یاشین بۆ باشترین گۆڵپارێزی جیهان.
لوینین لە هاوینی 2028 لە زۆریا لوگانسکی ئۆکڕاینییەوە بەبڕی 8.50 ملیۆن یۆرۆ پەیوەندی بە ریال مەدرید کرد.
بەدرێسی ریال مەدرید لە سەرجەم پاڵەوانێتییەکاندا بەشداری 48 یاریی کردووە، لە 16 یاریی گۆڵی لێنەکراوە و 51 گۆڵیشی لێکراوە.
دوو نازناوی چامپیۆنزلیگ، دوو نازناوی لالیگا، دوو نازناوی جامی سوپەری ئەوروپا، نازناوێکی جامی جیهانی یانەکان، نازناوێکی جامی شای ئیسپانیا و دوو نازناوی جامی سوپەری ئیسپانیای لەگەڵ مەدرید بەدەستهێناوە.
