یاریگا –
یاریزانێکی بایرن میونشن هیوای لەدەست نەداوە بۆ پەیوەندیکردن بە یانەی بارسێلۆناوە.
جۆشوا کیمیچ، کە ساڵی داهاتوو گرێبەستەکەی لەگەڵ باڤارییەکان بەسەردەچێ، وەرزی رابردوو لە 28 یاریی بۆندزلیگا بەشداریکرد و دەنگۆ هەبوو کۆتا وێسگەی بێ لەگەڵ ئەو یانەیە، بەڵام وا دیارە تا کۆتایی گرێبەستەکەی بمێنێتەوە.
بەگوێرەی زانیارییەکانی کادێنا سێر، یاریزانە 29 ساڵانەکە هیوای ئەوەیە هاوینی داهاتوو پەیوەندی با بارساوە بکات وەک یاریزانێکی ئازاد دوای بەسەرچوونی گرێبەستەکەی.
🚨 Joshua Kimmich is looking forward to a move to Barcelona next summer as a free agent.
(Source: Cadena SER) pic.twitter.com/CxaxiAfFq1
— Transfer News Live (@DeadlineDayLive) September 11, 2024
کیمیچ یەکێکە لە دیارترین یاریزانە دێرینەکانی ئێستای بایرن کە ماوەی نۆ ساڵە لەو یانەیە بەردەوامە.
ناوبراو توانای یاریکردنی لە هەردوو پێگەی بەرگریکاری ڕاست و ناوەڕاستکاری بەرگریی هەیە. پەیوەندیکردنیشی بە یانەکە کەتلۆنییەکەوە بژاردەیەکی باش دەبێ بۆ ئەو یانەیە کە بەدەست دۆخی داراییەوە دەناڵێنێت. هەر بۆیە تەنها دابینکردنی مووچەکەی دەکەوێتە ئەستۆ نەک تێچووی گواستنەوەی.
