یاریگا –
هارڤی ئیلیەت، یاریزانی هێڵی ناوەڕاستی لیڤەرپوول بەهۆی شکانی پێ بەلانیکەم بۆ ماوەی مانگێک دووردەکەوێتەوە.
ئیلیەت لەگەڵ هەڵبژاردەی ئینگلتەرای ژێر 21 ساڵ تووشی پێکانبوو و دەستبەجێ گەڕایەوە سەنتەری مەشقەکانی ئاکسا (AXA) بۆ ئەنجامدانی چەندین پشکنینی پزیشکی بەپەلە.
ئیلیەت بەشداری لە یاریی هەڵبژاردەی ئینگلتەرا ژێر 21 ساڵ لە پاڵاوتنی یۆرۆدا نەکرد.
لەم وەرزەدا ئیلیەت تەنیا بەشداری لە حەوت خوولەکدا لەگەڵ ئارنە سڵۆت کردووە، هەرچەندە رێدز سێ یاریی لە پرێمەرلیگ کردووە.
تۆڕی هەواڵی ئاتلێتیک بڵاویکردووەتەوە، پێشبینی دەکرا ئیلیەت بەشداری لە یاریی داهاتووی لیڤەرپوول لە جامی خولی ئینگلتەرا بەرامبەر وێستهام یونایتد بکات، بەڵام پێکانەکە هاوکێشەکەی گۆڕی.
Liverpool midfielder Harvey Elliott faces at least a month on the sidelines after fracturing his foot on international duty.
Elliott aggravated an existing issue while away with England Under-21s this month.
The 21-year-old returned to Merseyside and underwent further… pic.twitter.com/a3EhN3QpFF
— The Athletic | Football (@TheAthleticFC) September 11, 2024
لە وەرزی رابردوودا ئیلیەت 53 یاریی لە سەرجەم پاڵەوانیەتییەکان لەگەڵ لیڤەرپوول کرد، چوار گۆڵ و 11 ئەسیستی هەبوو.
لەلایەکی دیکەوە، کورتیس جۆنز مەشقەکانی لەگەڵ لیڤەرپوول دەستپێکردەوە و بۆ یاریی هەفتەی داهاتوو بەرامبەر نۆتینگهام فۆڕێست ئامادە دەبێت.
