یاریگا –
مانچێستەر سیتی گورزێکی کوشندەی بەردەکەوێت و ناتان ئاکێ، لەگەڵ هەڵبژاردەی هۆڵەندا تووشی پێکان بوو.
ئاکێ بەشداری لە یاریی لووتکەی گەڕی دووەمی نەیشنزلیگ بەرامبەر ئەڵمانیا کرد. بەگوێرەی زانیارییەکانی سەرەتایی، ئاکێ تووشی پێکانی ران بووە و دەستبەجێ گۆڕانکاری پێکرا.
بەرگریکارە هۆڵەندییەکە ئەمڕۆ دەگەڕێتەوە مانچێستەر و پشکنینی گشتی دەکات، ئینجا وردەکاریی پێکانەکە بڵاودەکرێتەوە.
لە مانگەدا، مان سیتی خشتەیەکی جەنجاڵی یارییکردنی هەیە و وەستانی فیفا کاریگەری لەسەر دۆخی جەستەیی یاریزانان دروستکردووە.
مانچێستەر سیتی رووبەڕووی یانەکانی برێنتفۆرد، ئینتەر میلان، ئارسیناڵ، واتفۆرد و نیوکاسڵ یونایتد دەبێتەوە.
هۆڵەندا و ئەڵمانیا 2-2 یەکسانبوون و ئەمە یەکەمجارە لە ماوەی 10 ساڵی رابردوودا، هۆڵەندا لە سێ یاریی بە دوای یەک دوو گۆڵ یان زیاتری لێدەکرێت.
تیمەکەی پێپ گواردیۆلا شەممە لە یاریگای ئیتیحاد میوانداری برێنتفۆرد دەکات.
