یاریگا –
فلۆرێنتینۆ پێرێزی سەرۆکی یانەی ڕیال مەدرید سەبارەت به سوپه‌رلیگ بیر لە بڕیارێکی گرنگ دەکاتەوە
رامۆن ئەلڤارێز، رۆژنامەنووسی بەناوبانگی رادیۆ مارکا، لە هەژماری خۆی لە تۆڕی ئێکس نێتۆرک نووسیویەتی، فلۆرێنتینۆ پێرێز بیر لە پێشخستنی وادەی هەڵبژاردنی سەرۆکایەتی یانەی ریال مەدرید دەکاتەوە ده‌یه‌وێت له کۆتایی ساڵی 2024 بكرێت.
ئەلڤارێز ئاماژه‌ی به‌وه‌شكردووه، چاوەڕوان دەکرێت بەم زووانە راگه‌یه‌ندراوێك سه‌باره‌ت به‌پرۆژه‌ی سوپه‌رلیگ بڵاوبكرێته‌وه، به‌رێوه‌چوونی هەڵبژاردنی سەرۆکایەتی پێشوەختەی ریال مه‌درید رێگەیەک دەبێت بۆ بەهێزکردنی پابەندبوونی یانەکە بە پاڵەوانێتییە نوێیەکەوە.
🚨 Florentino medita adelantar las elecciones presidenciales del Real Madrid (para finales de 2024). Se espera un anuncio dentro de poco de la Superliga y es una forma de darle solidez al compromiso del club con la competición. pic.twitter.com/YDrZLvNT8e
— Ramón Álvarez de Mon (@Ramon_AlvarezMM) September 9, 2024
جگە لە بارسێلۆنا و ریال مەدرید سوپه‌رلیگ پاڵپشتییەکی گشتیی لەلایەن یانەکانەوە لێناكرێت، هاوکات ئۆریلیۆ دی لۆرانتێس سەرۆکی ناپۆلی ئامادەیی خۆی دەربڕی بۆ گفتوگۆکردن لەسەر ئەو پڕۆژەیە.
پێشتر رێكخه‌رانی پاڵه‌وانیه‌تی سوپەر لیگ راگەیاندبوو، كه پاڵه‌وانه‌تیه‌كه بە بەشداری 64 تیپ به‌رێوه‌ده‌چێت و دابەشکرابوون بەسەر 3 ئاستدا.
