یاریگا
مارک ئاندرێ تێرشتیگنی ئەڵمانی گۆڵپارێزی یانەی بارسێلۆنا باسی به‌راوردی نێوان خۆی و مانوێل نوێر ده‌كات.
لە گەڕی یەکەمی خولی نەتەوەکانی ئەوروپا، ئەڵمانیا سەرکەوتنێکی گرنگی بەسەر هەنگاریا بەدەستهێنا و بە ئەنجامی 5-0 براوه بوو.
تێرشتیگن لە لێدوانێکدا کە رۆژنامەی کیکەری ئەڵمانی بڵاویکردووەتەوە دەڵێت،
ئێستا دۆخەکە بۆ من جیاوازە، دەبێت بەردەوام بم لە رکابەریکردن و ئاستی خۆم نیشان بدەم.
ئاماژەی بەوەشکرد،
لە یارییەکەی هەنگاریادا کارێکی زۆرم نەبوو، به‌رگریكاره‌كان، نه‌یانده‌نهێشت تۆپ به ئاسانی بگاته من، بەڵام بەدرێژایی یارییەکە وریا بووم و ئاگاداری شتەکان بووم.
لە درێژەی قسەکانیدا گوتی،
من و مانوێل نۆیەر په‌یوه‌ندیه‌كی باش له‌نێوانمان هه‌یه، ئه‌و هێشتا گۆڵپارێزێکی گەورەیە و کاپتنی پێشووی هەڵبژاردەی ووڵاته‌كه‌مه، ئێمە لە ستایلدا جیاوازین، نابێت بە هیچ شێوەیەک بەراورد به‌یه‌كتر بکرێین.
لە کۆتاییدا گوتی،
یاریی داهاتوومان تەواو جیاواز دەبێت، به‌رامبه‌ر هه‌ڵبژارده‌یه‌كی به‌هێز و گه‌وره یاریی ده‌كه‌ین، هەوڵدەدەین باشتر ده‌ربكه‌وین، منیش تا کۆتایی یارییه‌كه بە ئاگا دەبم.
هەڵبژاردەی ئەڵمانیا ، سێشەممەی داهاتوو، لە گه‌ڕی دووەمی خولی نەتەوەکانی ئەوروپا رووبه‌رووی هه‌ڵبژارده‌ی هۆڵه‌ندا ده‌بێته‌وه.
