یاریگا –
یانەی ئیتیحاد دوو یاریزانی نوێی بە هاندەرانی ناساند و زەنگێکی مەترسیداریش بۆ رکابەرەکانی.
ئیتیحاد پێش داخستنی بازاڕی گواستنەوەکان لە سعودیە سەرکەوتوو بوو لە رازیکردنی هەردوو یاریزان ستیڤن بێرگوین لە ئایاکس و دانیلۆ پێرێرا لە پاریس سان جێرمان.
بەگوێرەی زانیارییە میدیاییەکان و لەنێویاندا تەلەگرافی ئینگلیزی، گواستنەوەی بێرگوینی هۆڵەندی 21 ملیۆن یۆرۆ بووە بۆ خەزێنەی ئایاکس و خودی خۆیشی بۆ ماوەی سێ ساڵ بڕی 9 ملیۆن یۆرۆ لە ئیتیحاد وەردەگرێت.
بەڵام ئەوە بەبێ رەخنەی رۆناڵد کومان تێنەپەڕی کاتێ راستەوخۆ وتی ئەو یاریزانە زیاتر بۆ پارە رۆشتووەتە سعودیە وەک لە ئامانجی وەرزشیی.
بێرگوین کە دەتوانێ لە هەردوو پێگەی باڵ و هێرشبەرییش یاری بکات، لە یانە نوێیەکەی ژمارە 34 دەپۆشێت.
📝| مراسم توقيع عقد اللاعب الهولندي بيرجوين ✍️ pic.twitter.com/i7PiB92AjG
— نادي الاتحاد السعودي (@ittihad) September 5, 2024
هەر لە ماوەی 24 کاتژمێرەکەدا ئیتیحاد پێرێرای پۆرتوگالیشی ناساند کە ئەمەیان بڕی گواستنەوەکەی 5 ملیۆن یۆرۆ بووە.
ئەو یاریزانە تایبەتمەندییەکی باشی بۆ ئیتیحاد هەیە کە دەتوانێ لە هەردوو پێگەی ناوەڕاستی بەرگری و دڵی بەرگری یاری بکات و ژمارە 2یشی پێدراوە.
📸| النمر في معقلنا 🐅 pic.twitter.com/izhgDB3fMU
— نادي الاتحاد السعودي (@ittihad) September 4, 2024
ئیتیحاد ئەم هاوینە کڕیارێکی گەورە بوو لە بازاڕەکەدا و پێشتر یاریزانە بیانیەکانی وەک موسا دیابی (لە ئەستۆنڤیلاوە بە 60 ملیۆن یۆرۆ)، حوسام عەوار (لە رۆماوە بە 12 ملیۆن یۆرۆ)، پرێدراگ رایکۆڤیچ (لە مایۆرکاوە بە 8 ملیۆن یۆرۆ)، ماریۆ میتاج (لە لۆکۆمۆتیڤ مۆسکۆ بە خواستن) گواستبووەوە ریزەکانیان.
