یاریگا –
سبەی شەو هەڵبژاردەی فەڕەنسا لە یەکەم یاریی نەیشنز لیگ میوانداریی ئیتاڵیا دەکات و لە ریزی کەڵەشێرەکاندا ئادرێن رابیۆ نابینرێ.
لە کۆنفرانسی رۆژنامەوانی پێش یارییەکەدا دیدیە دیشامی راهێنەر تیشکی خستە سەر بابەتەکە و باسی لە هۆکارەکانی بانگهێشتنەکردنەوەی ناوەڕاستکارەکە کرد و وتی
رابیۆ بە جۆرێ لە جۆرەکان لە دۆخێکی شەرمهێندایە. ئەو گرێبەستەکەی (لەگەڵ یوڤێنتوس) بەسەرچووە و چەند یانەیەکیش داوایان کردووە، بەڵام ئەو ئێستا بێ یانەیە و بە کۆمەڵ راهێنان ناکات. هیوادارم بە زوویی یانەیەک هەڵبژێرێت و بەوەش بتوانین بیگەڕێنینەوە بۆ هەڵبژاردەکەمان.
ئادرێن کە ئێستا تەمەنی 29 ساڵە، لەوەتەی ساڵی 2016 نوێنەرایەتی هەڵبژاردەی یەکەمی وەڵاتەکەی دەکات و توانیویەتی نەیشنزلیگی 2020/21 بباتەوە و مۆندیالی 2022ش گەشتە کۆتایی.
🎙️ Didier Deschamps: “Adrien Rabiot has a somewhat embarrassing situation. His contract was expiring and he was solicited by several teams… but now he’s without a team and doesn’t train in a group.
“I hope he can quickly choose a club that can then bring him back to us.”… pic.twitter.com/zIc2pFJH0U
— Transfer News Live (@DeadlineDayLive) September 5, 2024
ئەو کە لە ساڵی 2019 لە پاریس سان جێرمانەوە گواسترایەوە بۆ یوڤی، ئەم هاوینە گرێبەستەکەی لەگەڵ خانمە پیرەکە کۆتایی هات و ئێستا یاریزانێکی ئازادە.
