یانەیەک داوای گواستنەوەی کاسێمیرۆ دەکات
دۆڕانەکەی لیڤەرپوول دەبێتە بزماری بەزەیی لە تابووتی کاسێمیرۆ
یاریگا –
گاڵاتەسەڕای گفتوگۆکانی لەگەڵ مانچێستەر یونایتد بۆ گواستنەوەی کاسێمیرۆ دەستپێکردووە.
عەلی ناجی کوچووک، رۆژنامەنووسی دیاری وەرزشی تورکیا لە پۆستێکی ئێکسدا بڵاویکردووەتەوە، گاڵاتەسەڕای دەیەوێت فشاری سەر کاسێمیرۆ و مانچێستەر یونایتد بقۆزێتەوە و بیگوازێتەوە ریزەکانی.
Galatasaray orta saha hattını da güçlendirmek istiyor…
Juventus’ta forma giyen McKennie için girişimler sürüyor…
Orta saha hattı için temas kurulan oyuncular arasında Casemiro da var…
Galatasaray, Casemiro’yu 1 yıllığına kiralamak için Manchester United ile görüşme…
— Ali Naci Küçük (@AliNaciKucuk) September 3, 2024
لە دوای ئاستە خراپەکەی لە یاریی رابردووی مان یونایتد بەرامبەر لیڤەرپوول، فشارەکانی سەر یاریزانەکە گەیشتوونەتە لووتکە و کەوتووەتە بەر شاڵاوی میدیایی و هاندەران.
رۆژنامەی مێترۆ بڵاویکردووەتەوە، لە دوای گواستنەوەی مانوێل ئوگارتێ، ئیتر کاسێمیرۆ وردە وردە لە پلانەکانی ئێریک تێن هاخدا نامێنێت.
بەگوێرەی زانیارییەکانی رۆژنامەنووسە تورکەکە بێت، گاڵاتەسەڕای دەیەوێت بە خواستن کاسێمیرۆ بۆ ماوەی وەرزێک بگوازێتەوە.
هەرچەندە بازاڕی گواستنەوەی یاریزانان لە پرێمەرلیگ داخراوە، بەڵام یاریزانان دەتوانن یانەکانیان جێبهێڵن.
گاڵاتەسەڕای بە شێوەیەکی چاوەڕواننەکراوە، بۆ ماوەی یەک وەرز گرێبەستی لەگەڵ ڤیکتۆر ئۆسیمیندا واژۆ کرد، ئەمەش دوای هەرەسهێنانی گفتوگۆکانی هێرشبەرە نایجێرییەکە لەگەڵ چێڵسی و ئەهلی سعوودی.
