پێشهاتی نوێ؛ گالاتاسەڕای ئۆفەرێکی فەرمی پێشکەش بە ئۆسیمین دەکات
"ئۆسمین بە ئۆفەرەکە رازییە"
یاریگا –
بۆ گواستنەوەی ڤیکتۆر ئۆسیمین، یانەی گالاتاسەڕای ئۆفەرێکی فەرمی پێشکەش بە ناپۆلی دەکات.
رۆژنامەنووسی تۆڕی سکای ئیتالیا جیانلوکا دی مازیۆ بڵاویکردووەتەوە، گالاتاسەڕای تورکی بۆ گواستنەوەی ڤیکتۆر ئۆسیمین ئۆفەرێکی فەرمی پێشکەش بە ناپۆلی کردووە.
یانە تورکییەکە ئامادەیە بۆ ماوەی وەرزێک هێرشبەرە نایجیرییەکە بباتە ریزەکانی و مووچەی ساڵانەی 11 ملیۆن یۆرۆی پێشکەش دەکات.
I dettagli https://t.co/PHRDk8pwBm
— Gianluca Di Marzio (@DiMarzio) September 2, 2024
هاوکات هێرشبەرە تەمەن 25 ساڵانییەکە لاری نییە بەشێوەی خواستن بۆ وەرزێک روو لە تورکیا بکات، لە چەند کاتژمێرێکی داهاتوو هەموو شتێک یەکلایی دەکرێتەوە.
ئۆسمین لەم هاوینە بەفەرمی ئاشکرایکرد ناپۆلی جێدەهێڵێت، لەگەڵ چێڵسی تا کۆتا کاتژمێرەکانی مێرکاتۆ لە گفتوگۆدابوو، بەڵام نەگەیشتنە رێککەوتن و لە ناپۆلی مایەوە.
مێرکاتۆی هاوینە لە سوپەرلیگی تورکیا تا 13ـی ئەیلوول بەردەوامدەبێت، ناپۆلی یاریزانەکەی لە تیپەکە دوورخستووەتەوە و بەشداری هیچ یارییەکی پێناکات، گالاتاسەڕای ئەمە بە دەرفەت دەزانێت و دەیەوێت ڤیکتۆر بباتە یانەکەی.
🚨🚨 Galatasaray delagation will be at Napoli in the next hours
🔹Victor Osimhen is OK to join the Turkish club in loan ☑️
🔹Napoli wants him to leave ➡️Negociations between clubs ⏳ pic.twitter.com/iXa9WwugbZ— Fabrice Hawkins (@FabriceHawkins) September 2, 2024
