نەسڕ گرێبەستی ئەستێرەیەکی هەڵوەشاندەوە و یاریزانێکی دیکەش دەگوازێتەوە

یاریگا –

بەشێوەیەکی فەرمی ئالێکس تێلێسی بەڕازیلی یانەی نەسڕی سعوودی جێدەهێڵێت.

ماڵپەڕی فەرمی نەسڕ بڵاویکردووەتەوە، بەفەرمی و بە رێککەوتنێکی دوولایانە گرێبەستی ئالێکس تێلێس هەڵوەشێندراوەتەوە و یاریزانە بەرازیلییەکە نەسڕ جێدەهێڵێت.

AlNassr can announce that the Brazilian star Alex Telles has left the Club by mutual agreement.

Thanks for everything, Alex 🙏💛
pic.twitter.com/lLQCzv0mfM

— AlNassr FC (@AlNassrFC_EN) September 2, 2024

تێلێس لە هاوینی رابردوو بەبڕی 4.60 ملیۆن یۆرۆ لە مانچێستەر یونایتدەوە پەیوەندی بە یانە سعوودییەکە کرد و تا هاوینی 2025 گرێبەستی لەگەڵ واژۆ کردبوون.

ئێستا بەرگریکارە تەمەن 31 ساڵانییەکە یاریزانێکی ئازادە و دەتوانێت بەبێبەرامبەر پەیوەندی بە یانەیەکی دیکە بکات.

هاوکات یانە سعوودیەکە بۆ گواستنەوەی ئانجێلۆ گابڕیێلی بەڕازیلی لەگەڵ یانەی چێڵسی گەیشتووەتە رێککەوتنی کۆتایی و بەمزووانە گواستنەوەی یاریزانە تەمەن 19 ساڵانییەکە رادەگەیەنێت.