یاریگا –
لامین یامال بەردەوامە لە تۆمارکردنی ژمارەی گەورە سەرەڕای بچووکی تەمەنی. ئەمشەویش بە ریکۆردێکەوە خۆی هێنایەوە بەرباس کاتێک بارسێلۆنا 7-0 لە ڤایۆدوالیدی بردەوە.
لاوە 17 ساڵانەکە لەو کەرنەڤاڵەدا گۆڵی تۆمارنەکرد، بەڵام بە دوو ئەسیست نەخشی خۆی بە یارییەکەوە جێهێشت و لەگەڵیشیدا ریکۆردێکی مێژوویی بۆ خۆی هێنا.
بەگوێرەی زانیارییەکانی تۆڕی ئۆپتا بۆ ئامار و ژمارەکان، یامال لە 42 بەشدارییدا لە یارییەکانی لالیگا توانیویەتی بەشداریی لە 14 گۆڵد بکات (6 گۆڵ و 8 ئەسیست). بەوەش بچووکترین یاریزانە لە سەدەی 21دا لە خولی ئیسپانی پێش تەمەنی 18 ساڵی بگاتە ئەو ژمارەیە.
14 – Lamine Yamal has been involved in 14 goals in 42 appearances in LaLiga (6 goals and 8 assists), the most by a player before turning 18 in the competition in the 21st century, surpassing Bojan Krkić (13 – 10 goals and 3 assists). Unstoppable. pic.twitter.com/VFnncpKzFu
— OptaJose (@OptaJose) August 31, 2024
پێشتر ئەو ریکۆردە بەناوی بۆیان کریکیچی هەمان یانەوە بوو کە ئەمەیان 13 بەشداریی هەبوو (10 گۆڵ و 3 ئەسیست).
گۆڵەکانی ئەمشەوی بارسا:
بلاوگرانا سەرەتایەکی ئاگرینی دەستپێکردووە بە راهێنەرایەتی هانسی فلیک بە جۆرێک هەر چوار یارییەکەی بردووەتەوە و 13 گۆڵیان تۆمارکردووە و تەنها 3 جار تۆڕی گۆڵەکەیان هەژێنراوە.
