هێرشبەرێکی پرێمەرلیگ پەیوەندی بە مارسیلیا کرد
بۆ ماوەی یەک وەرزە بە خواستن
یاریگا –
ئۆڵێمپیک مارسیلیا بە خواستن نایل مواپای، هێرشبەری ئێڤەرتنی تاوەکو هاوینی ساڵی 2025 گواستەوە.
بەگوێرەی رێککەوتنی هەردوو یانەکە بێت، مارسیلیا ناچارکراوە لە دوای تەواوبوونی ماوەی خواستنەکەی، گرێبەستی مواپای بکاتە هەمیشەیی.
📁 Mercato_2425
👤 𝐍𝐞𝐚𝐥 𝐌𝐚𝐮𝐩𝐚𝐲 🇫🇷
📸 L’Estaque
🗓️ 30/08/24
🔵⚪️ #MaupayEstOlympien pic.twitter.com/IFnmD8901t— Olympique de Marseille (@OM_Officiel) August 30, 2024
یاریزانی تەمەن 28 ساڵان لە هاوینی ساڵی 2022 لە برایتنەوە پەیوەندی بە ئێڤەرتن کرد. خاوەنی یەک گۆڵە لە کۆی 32 یاری لەگەڵ تۆفیس.
وەرزی رابردوو، یاریزانە فەڕەنسییەکە بە خواستن یاری بۆ برێنتفۆرد کرد و توانی هەشت گۆڵ لە کۆی 31 یاریدا بکات.
مواپای تەنیا یەک ساڵ بۆ بەسەرچوونی گرێبەستەکەی لە گۆدیسن پارک ماوە و بەشداری هیچ یارییەکی ئەم وەرزەی پرێمەرلیگ نەکردووە.
مواپای جارێکی دیکە دەگەڕێتەوە ژێر سەرپەرشتی رۆبێرتۆ دی زێربی، پێشتر لە برایتن راهێنەری بووە.
پێشتر مارسیلیا هەریەکە لە مەیسن گرینوود و پیێر ئێمیل هۆیبێرگی لە پرێمەرلیگ گواستووەتەوە.
ئێڤەرتن لە گواستنەوەی ئەم هاوینەدا، گرێبەستی لەگەڵ جەیک ئۆبڕاین، ئیلمان ئێندیایێ، تیم ئێرێبونم واژۆکردووە.
