نەسڕی سعودی لەگەڵ ئەستێرەیەکی لایپزیگ گەشتە رێککەوتن
ئامانجگەکەی لە کیڤەرپوول رفاند
یاریگا –
یانەی نەسڕی سعودی رێککەوتنێکی دیکەی لە بازاڕی هاوینە ئەنجامدا و لەگەڵ یاریزانێکی لایپزیگ گەشتە رێککەوتن.
نەسڕ دەیەوێ بۆ گەڕانەوە بۆ سەکۆی نازناوەکان، ریزەکانی لە هێڵی بەرگری تۆکمەتر بکات. هەر بۆیە کۆتا جار توانی محەمەد سیماکان لە یانی لایپزیگ رازی بکات.
ناوبراو لە چەند رۆژی رابردوودا ئامانجی سەرەکی لیڤەرپوول بوو بۆ شوێنگرتنەوەی ماتیپ، بەڵام نەسر هاتە نێو کێبڕکێکەوە و، بەگوێرەی زانیارییەکانی فابریس هاوکینسی رۆژنامەنووس لە تۆڕی هەواڵی RMCی فەڕەنسی، یانە سعودیەکە گەشتووەتە رێککەوتنی تەواوەتی لەگەڵ ئەو بەرگریکارە فەڕەنسیە.
🚨🇫🇷EXCL Total agreement Leipzig / Al Nassr : €45M for Mohamed Simakan @RMCsport
🔹Negociation ongoing between Al Nassr and the defender. Al Nassr offer 5 year contract ⏳🇸🇦
➡️If everything is ok Mohamed Simakan will fly tomorrow for the medical test 🩺 pic.twitter.com/kpEyOBoAjQ
— Fabrice Hawkins (@FabriceHawkins) August 29, 2024
بەگوێرەی زانیارییەکانی هاوکینس، تێچووی گرێبەستی یاریزانە 24 ساڵانەکە بۆ نەسڕ 45 ملیۆن یۆرۆیە و ئەگەر هەمووشت لە گفتوگۆکانی ئێستای نێوان لایەنی سعودی و ئەڵمانی باش بەڕێوەبچێت، ئەوا بەرگریکارەکە سبەی گەشتی وڵاتەکەی کەنداو دەکات بۆ پشکنینە پزیشکیەکانی.
سیماکان کە دەتوانێ لە پێگەکانی دڵی بەرگری و بەرگری لای راست یاری بکات، لە ساڵی 2021 روویکردە یانەی لایپزیگ و وەرزی رابردوو لە 32 یاری بۆندسلیگا دوو ئەسیست و سێ گۆڵی هەبوو.
