یاریگا –
مەیسن ماونت، یاریزانی مانچێستەر یونایتد بەهۆی پێکانەوە بۆ ماوەی چوار بۆ پێنج هەفتە دووردەکەوێتەوە.
یاریزانی تەمەن 25 ساڵان، لە یاریی رابردووی مان یونایتد بەرامبەر برایتن بەهۆی هەستکردن بە ئازار، لە دوای تەواوبوونی گێمی یەکەم، یارییەکەی جێهێشت.
مان یونایتد لە بەیاننامەیەکدا دووپاتیکردەوە، ماونت بەشداری یاریی داهاتووی تیمەکەی بەرامبەر لیڤەرپوول لە ئۆڵدترافۆرد ناکات و پێشبینی دەکرێت، تاوەکو سەرەتای مانگی ئۆکتۆبەر/تشرینی یەکەم دووربکەوێتەوە.
ℹ️ Mason Mount has issued a statement about his recent injury setback.
We’re gutted for you, Mase — see you out there soon 💪#MUFC
— Manchester United (@ManUtd) August 29, 2024
ماونت لە هاوینی ساڵی 2023 لە چێڵسییەوە بەبڕی 55 ملیۆن پاوەند پەیوەندی بە مانچێستەر یونایتد کرد، لە وەرزی رابردوودا بەهۆی پێکان، تەنیا بەشداری لە 20 یاریدا کرد.
یاریزنای نێودەوڵەتی ئینگلتەرا، لە وەرزی رابردوو بەهۆی پێکانی ران، نەیتوانی ئاستێکی سەقامگیری هەبێت.
ماونت لە نۆڤێمبەر/تشرینی دووەمی ساڵی رابردوو، تووشی پێکانی شان بوو، لە دوای پێکانەکە تەنیا بەشداری لە هەشت یاریدا کرد و بانگهێشتی لیستی هەڵبژاردەی ئینگلتەرا بۆ یۆرۆی 2024 نەکرا.
لیستی پێکانەکانی ئێریک تێن هاخ بۆ پێنج یاریزانی سەرەکی بەرزبووەتەوە، دوای پێکانەکانی راسموس هۆیلوند، لوک شۆو، لێنی یۆرۆ، تیرێل مالاسیا و ڤیکتۆر لیندێلۆف.
