یاریگا –
خێتافی زۆر لە گواستنەوەی ئالڤارۆ رۆدریگێز، هێرشبەری ریال مەدرید نزیکبووەتەوە.
تۆڕی ئاتلێتیک بڵاویکردووەتەوە، خێتافی بە خواستن لە گواستنەوەی رۆدریگێزی ئوروگوایی نزیکبووەتەوە، ئەمەش دوای دەستپێکردنی گفتوگۆکان لە سێ هەفتەی رابردوودا.
خۆسێ بۆردالێس، راهێنەری خێتافی داوای لە ئانخێل تۆرێس، سەرۆکی یانەکەی کردبوو، بە زووترین کات هێرشبەرێکی بەئەزموون بگوازێتەوە و رۆدریگێز باشترین بژاردەی لالیگا بووە.
لە دەستپێکی گواستنەوەی هاوینەدا، ریال سۆسیداد لە نزیکەوە چاودێری رۆدریگێزی کرد، بەڵام پێدەچێت ئێستا خێتافی لە گەیشتن بە رێککەوتن زۆر نزیکبووبێتەوە.
مەدرید داوای بڕی 10 ملیۆن یۆرۆ بۆ 50%ی مافەکانی ئابووری یاریزانەکە دەکات، هەرچەندە ئەستەمە خێتافی بەم جۆرە گرێبەستە رازیببێت.
رۆدریگێز لە ساڵی 2022 گرێبەستەکەی تاوەکو 2027 لەگەڵ مەدرید نوێکردەوە و ئێستاش ئامادەیە بە خواستن پەیوەندی بە خێتافی بکات.
