یاریگا –
ریال بێتیس تەواوی هەوڵەکانی بۆ گواستنەوەی جیۆڤانی لۆ سێلسۆ، یاریزانی تۆتنهام خستووەتەگەڕ.
بێتیس خەریکی فرۆشتنی نەبیل فەقیرە بە جەزیرەی ئیماڕاتی و لۆ سێلسۆ لە هەمان شوێنی یاریکردنی فەقیر یاریی دەکات.
لۆ سێلسۆ یەکێکە لە ئامانجە سەرەکییەکانی ریال بێتیس و پێشتریش تاوەکو ساڵی 2019 یاریی بۆ یانە ئەندەلووسییەکە کردووە.
تۆڕی هەواڵی سکای سپۆرتس بڵاویکردووەتەوە، پێشبینی دەکرێت ئەمڕۆ ئۆفەرێکی فەرمی بۆ گواستنەوەی لۆ سێلسۆ بگاتە تۆتنهام.
لۆ سێلسۆ لە وەرزی 2018-19 بە خواستن لە پاریس سانجێرمانەوە بۆ ریال بێتیس یارییکرد و دواتر گرێبەستەکەی کرایە هەمیشەیی، بەڵام دوای دوو مانگ فرۆشرایە تۆتنهام.
