بەرگریکارێکی فەڕەنسی بووە جەنگاوەرێکی نوێی ئاڵۆنسۆ
چوارەم گرێبەستی لیڤەرکوزنە لەم هاوینەدا
یاریگا –
نۆردی موکیێلێ، بەرگریکاری پاریس سانجێرمان بە خواستن بۆ ماوەی یەک وەرز پەیوەندی بە بایەر لیڤەرکوزن دەکات.
پاریس سانجێرمان رازینەبوو خاڵی گرێبەستی هەمیشەیی لە گواستنەوەکە زیاد بکات، بۆیە لەدوای تەواوبوونی ماوەی خواستنەکەی، دەستبەجێ دەگەڕێتەوە پاریس.
یاریزانی تەمەن 26 ساڵان بووە چوارەمین گواستنەوەی ئەم هاوینەی تیمەکەی چابی ئاڵۆنسۆ، لە دوای گواستنەوەی هەریەکە لە ئەلێکس گارسیا، مارتن تێریێر و جیانوێل بێلۆچیان.
Bienvenue, Nordi #Mukiele! 👋🇫🇷
The 26-year-old defender joins on a one-year loan deal from @PSG_English with immediate effect.✍️ pic.twitter.com/Z4EWntbAHj
— Bayer 04 Leverkusen (@bayer04_en) August 28, 2024
موکیێلێ ئەزموونی لە لاپیزیگ هەیە، پێشتر بۆ ماوەی چوار ساڵ لە 2018 تاوەکو 2022 یاریی بۆ لایپزیگ کردووە. خاوەنی 146 یارییە و لە ساڵی 2022 جامی ئەڵمانیای بردەوە.
لە هاوینی ساڵی 2022 پەیوەندی بە پاریس سانجێرمان کرد، بەر لە پەیوەندیکردنی بە یانە پاریسییەکە، چێڵسی زۆر هەوڵی بۆ گواستنەوەیدا، بەڵام پاریس خێراتر جووڵایەوە.
لە ماوەی دوو وەرزی رابردوودا لە پاریس، موکیێلێ 45 یاری کردووە و پێنج نازناوی بەدەستهێنا.
موکیێلێ خاوەنی تەنیا یەک یاریی نێودەوڵەتییە لە بەرامبەر فینلاند.
