یاریگا –
راپۆرتە رۆژنامەوانیەكان ئاشكرایانكرد، دانی سێبایۆس یاریزانی ئیسپانی یانەی ریال مەدرید دەیەوێت لە گواستنەوەكانی هاوینەدا ریزەكانی یانەكەی جێبهێڵێت.
سێبایۆس لە هاوینی ساڵی 2017 لە ریزەكانی ریال بێتیسەوە بە بەهای 16 ملیۆن یۆرۆ پەیوەندی بە ریال مەدریدەوە كرد.
گرێبەستەكەی سێبایۆس لەگەڵ ریال مەدرید لە هاوینی ساڵی 2027 بەسەردەچێت.
🚨 BREAKING: Dani Ceballos has decided to LEAVE Real Madrid.
Ancelotti is trying to change his mind. @relevo pic.twitter.com/ImOPcTyVJa
— Madrid Zone (@theMadridZone) August 28, 2024
بە گوێرەی زانیارییەكانی رێلیڤۆ، سێبایۆس بڕیاری جێهێشتنی ریال مەدریدی داوە و دەیەوێت ریزەكانی یانەكەی جێبهێڵێت.
ئاماژە بەوەشكراوە، كارلۆ ئانچێلۆتی راهێنەری یانە شاهانەكە هەوڵی هێشتنەوەی یاریزانەكەی داوە.
هەمان سەرچاوە ئاشكرایكردووە، لە راهێنانەكانی دوێنێ سێبایۆس بە گەرمی یاریزانان و دەستەی راهێنەرانی ریال مەدریدی لە باوەشكردووە و ماڵئاوایی لێ كردوون.
ریال بێتیس دەیەوێت یاریزانەكە بگەڕێنێتەوە ریزەكانی و گرێبەستی لەگەڵدا واژۆ بكاتەوە.
سێبایۆس لەگەڵ ریال مەدرید بەشداری لە 149 یاری كردووە و توانیویەتی حەوت گۆڵ بكات و 14 گۆڵیش درووست بكات.
