سانچۆ ریزەکانی مانچێستەر یونایتد بەجێدەهێڵێت
یاریگا –
سانچؤ لە بەجێهێشتنی ریزەکانی مانچێستەر یونایتد نزیکبووەتەوە و ئەو یاریزانە ئینگلیزییە پێش داخرانی دەرگەی گواستنەوەی یاریزانان لە بەجێهێشتنی یانەکەی نزیکترە.
داڤید ئۆرنشتاین رۆژنامەنووسی بەناوبانگی بەریتانی ئاشکرایکردووە، پێدەچێت جەیدن سانچۆ لە رۆیشتنی لە ریزەکانی مانچێستەر یونایتد نزیکبووەتەوە، ئەو یاریزانە ئینگلیزە دەیەوێت پێش داخرانی دەرگای گواستنەوەی هاوینەی یاریزانان ریزی شەیتانە سوورەکان بەجێبهێڵێت.
رۆژنامەنووسە بەریتانییەکە راشیگەیاندووە، مان یونایتد لەگەڵ هەریەکە لە یانەکانی چێڵسی ئینگلیزی و یوڤێنتۆسی ئیتاڵی لەگفتوگۆدایە بۆ ئەوەی سانچۆیان پێ بفرۆشێت، چێڵسی دەیەوێت لەگەڵ مانچێستەر یونایتد ئاڵوگۆڕ لە نێوان جەیدن سانچۆ و رەحیم ستێرلینگ بکەن.
🚨 Jadon Sancho likely to exit Man Utd before deadline. #MUFC in talks with Juventus & Chelsea for permanent/loan. #CFC would probably need player to move other way; Raheem Sterling most feasible but a lot must happen for that to materialise @TheAthleticFC https://t.co/GY6387ODcP
— David Ornstein (@David_Ornstein) August 27, 2024
تەنیا سێ رۆژ ماوە دەرگای گواستنەوەی یاریزانان لە ئینگلتەرا دابخرێت، بۆیە سانچۆ دەیەوێت لەم هەفتەیەدا ریزەکانی مان یونایتد بەجێبهێڵێت، کە یاریزانە 24 ساڵانەکە بە خواستن وەرزی رابردوو لە بۆڕووسیا دۆرتموند یاریی دەکرد و نزیکە جارێکی دیکە بە خواستن شەیتانە سوورەکان بەجێبهێڵێت.
