یاریگا –
بەفەرمی ناوی دانی ئۆلمۆ لە لالیگا تۆمارکرا و ئەو یاریزانە ئیسپانییە ئەمشەو بۆ یارییەکەی رایۆ ڤاییکانۆ ئامادە دەبێت.
دانی ئۆلمۆ یاریزانی نوێێ بارسێلۆنا لەبەر ئەوەی ناوی لە لالیگا تۆمار نەکرابوو، لە دوو یاریی رابردووی یانەکەی بەرامبەر ڤالێنسیا و ئاتلێتیک بلباو بێبەش بوو، بەڵام بۆ یاریی ئەمشەو بەرامبەر رایۆ ڤاییکانۆ ئامادە دەبێت و ناوی لە لیستی یاریزانانی یارییەکە دەبێت.
بارسێلۆنا لەم هەفتەیە هەریەکە لە ئیلکای گۆندوگان، ڤیتۆر رۆکی، کلیمێنت لێنگلێت و فای فرۆشت بۆ ئەوەی بتوانێت هاوسەنگی لە نێوان خەرجییەکانی مووچە و داهاتی دروست بکات، ئەمڕۆ توانی ناوی ئۆلمۆ لە لیستی یاریزانەکانی تۆمار بکات و مافی یاریکردنی لە لالیگا دەبێت.
🚨🚨 Dani Olmo ¡¡inscrito!!
🔴🔵 Podrá debutar finalmente en Vallecas https://t.co/Y39NkBoApH pic.twitter.com/Rq7dQtMaQy
— MARCA (@marca) August 27, 2024
هێرشبەرە تەمەن 25 ساڵانییەکە لە هاوینی 2020 بە بڕی 29 ملیۆن یۆرۆ لە دینامۆ زەگرەب پەیوەندی بە لایپزیگ کرد، بە درێسی ئەو یانەیە 148 یاری کردووە، 29 گۆڵی کردووە و 34 گۆڵیشی دروستکردووە، ئەم هاوینە بەرامبەر 55 ملیۆن یۆرۆ رووی لە یانە کەتەلۆنییەکە کرد.
ئەمشەو لە گەڕێ سێیەمی لالیگا، بارسێلۆنا کاتژمێر 22:30 دەبێتە میوانی رایۆ ڤاییکانۆ.
