کێپا ئاریزابالاگا پەیوەندی بە بۆرنمس دەکات
یاریگا –
یانەی بۆرنمسی ئینگلیزی لە گواستنەوەی کێپا ئاریزابالاگای ئیسپانی نزیکدەبێتەوە.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، بۆرنمس لە گواستنەوەی گۆڵپارێزی یانەی چێڵسی کێپا ئاریزابالاگا نیزکبووەتەوە.
بەگوێرەی زانیارییەکانی رۆمانۆ، درەنگانی شەوی رابردوو گفتوگۆی نێوان هەردوو یانە بەرەوپێش چووە، بۆرنمس دەیەوێت بەشێوەی خواستن و بۆ وەرزێک کێپا بگوازێتەوە، لەگەڵ بژاردەی نوێکردنەوەی گرێبەستەکەی تاوەکو هاوینی 2026.
🚨🍒 Understand Bournemouth are closing in on deal to sign Kepa from Chelsea!
Still key details to sort but loan deal until June 2025 (extending his contract at #CFC until 2026) now close after late night talks.
If all good later today, Kepa will travel for medical tests. pic.twitter.com/0sBKDdJ14v
— Fabrizio Romano (@FabrizioRomano) August 26, 2024
فابریزیۆ ئاماژەی بەوەش کردووە، ئەگەر هەمووشتێک بەگوێرەی پلانەکان بڕوات، ئەمڕۆ ئاریزابالاگا پشکنینەکانی پزیشکی بۆ دەکرێت و دەبێتە گۆڵپارێزی نوێی بۆرنمس.
کێپا لە هاوینی 2018 لە ئاتلێتیک بلباوەوە بەبڕی 80 ملیۆن یۆرۆ وەک گرانبەهاترین گۆڵپارێزی مێژووی پرێمەرلیگ پەیوەندی بە چێڵسی کرد، بەدرێسی یانە لەندەنییەکە لە سەرجەم پاڵەوانێتییەکاندا بەشداری 163 یاریی کردووە، 59 کلین شتی کردووە و 175 گۆڵی لێکراوە.
نازناوێکی چامپیۆنزلیگ، یۆرپالیگ، جامی جیهانی یانەکان و جامی سوپەری ئەوروپای لەگەڵ بلوز بەدەستهێناوە. لە هاوینی 2025 گرێبەستەکەی لەگەڵ یانەکە کۆتایی دێت.
گۆڵپارێزە تەمەن 29 ساڵانییەکە وەرزی رابردوو بەشێوەی خواستن یاریی بۆ ریال مەدرید کرد، لە سەرجەم پاڵەوانێتییەکان بەشداری 20 یاریی کرد، 9 کلین شیتی کرد و 18 گۆڵی لێکرا، نازناوێکی چامپیۆنزلیگ، لالیگا و جامی سوپەری ئیسپانیای بەدەستهێنا.
