یاریگا –
چێڵسی لە دووەم هەفتەی پرێمەرلیگدا تۆڵەی شکتەکەیان بە مان سیتی لە وڵڤرهامپتن کردەوە.
بلووز بە راهێنەرایەتی ئینزۆ مارێسکا کە ئەم هاوینە دەستبەکار بوو، لە یەکەم هفتەی خولەکەدا لەنێو ستامفۆرد 0-2 بە کوڕانی پێپ گواردیۆلا دۆڕان. بەڵام ئەمشەو لە دەرەوەی یاریگای خۆیان بە نیو دەرزەن گۆڵ گۆڵبارانی وڵڤرهامپتنیان کرد و یەکەم سێ خاڵی وەرزەکەیان چنیەوە.
تۆمارکردنی ئەو ژمارە گۆڵە هەروا کارێکی ئاسایی نەبوو، بەڵکوو ریکۆردێکی مێژووییە بۆ راهێنەرێک لە خولی ئینگلیزی. بەگوێرەی ئامارێکی تۆڕی ئۆپتا، مارێسکا بوو بە یەکەم راهێنەر لە یەکەم یاریی خۆیدا لە دەرەوەی یاریگا تیمەکەی بتوانێ شەش گۆڵ بکات.
6 – Enzo Maresca is the first manager in Premier League history to see his team score six goals in his first away game in the competition. Elation. pic.twitter.com/IfM2TVf5FO
— OptaJoe (@OptaJoe) August 25, 2024
بلووز رۆژی پێنجشەممەیش گەشتی سویسرا دەکەن بۆ دووەم یاریی خۆیان بەرانبەر سێرڤیتی سویسری لە پاڵاوتنەکانی کۆنفرانس لیگ کە یاریی یەکەمی یاریگای خۆیان لە ستامفۆردبریج 2-0 ئەو یانە سویسریەیان تووشی شکست کردبوو.
