مەکتۆمینای بە گرێبەستێکی چوار ساڵی لەگەڵ یانەیەکی ئیتاڵی رێککەوتووە
یاریگا –
گۆڕانکارییەکان بۆ گواستنەوەی سکۆت مەکتۆمینای خێرا روودەدەن و یانە خوازیارییەکانی رکابەرییەکانیان گەیاندووەتە قۆناخی کۆتایی.
لە چەند رۆژی رابردوودا سەرچاوەکان لە ئیتاڵیاوە بڵاویانکردەوە کە یانەی فوڵهام رازی بووە بڕە پارەی 30 ملیۆن پاوەند بدات بۆ گواستنەوەی یاریزانە سکۆتلەندییەکە و گوایە کێبڕکێکەی لە ناپۆلی بردووەتەوە.
🚨 Fulham have reportedly MATCHED Manchester United's asking price of £30m for Scott McTominay!
(Source: @tuttonapoli) pic.twitter.com/SPaltZKiLN
— Transfer News Live (@DeadlineDayLive) August 19, 2024
بەڵام ئەمڕۆ سەرچاوەی نزیک لە یانە ئیتاڵییەکە ئاشکرایکردووە کە مانجێستەر یونایتد بە 25 ملیۆن یۆرۆ لەگەڵ ناپۆلی رازی بووە و خودی مەکتۆمینایش پێشتر لەگەڵ ئەو یانەیە بە گرێبەستێکی چوار ساڵی رێککەوتوون.
🚨 Napoli's €25m offer for Scott McTominay ‘appears to have been accepted’ by Manchester Uniteed and the midfielder has already agreed on a four-year contract.
(Source: @mattinodinapoli) pic.twitter.com/HdciKk3Uan
— Transfer News Live (@DeadlineDayLive) August 25, 2024
مان یو پێویستی بە فرۆشتنی ئەو یاریزانە هەیە لە ئێستادا، بەوەی چاوی لەوەیە بە پارەکەی بتوانێ نزیکەی نیوەی تێچووی گواستنەوەی ئێدەرسنی ناوەڕاستکاری ئاتاڵانتای دەستکەوێت کە نیازی لە گواستنەوەی هەیە.
سکۆت وەرزی رابردوو لەگەڵ مانچیستەر لە 32 یاری خولی ئینگلیزیدا توانی 7 گۆڵ و ئەسیستێک بکات.
