یاریگا –
لامین یامال هۆکاری گۆڵەکەی لە یاریی رابردووی نێوان بارسێلۆنا و ئاتلێتیک بیلباو، بۆ خاڵێکی لاوازی نیکۆ ویڵیامس دەگەڕێنێتەوە.
یامال گۆڵی یەکەمی یارییەکەی بە شووتێکی دوورکرد و بارسا یارییەکەی 2-1 بردەوە.
یامال لە دووری 20 یاردە شووتێکی بەهێزی ئاڕاستەی گۆڵی ئاتلێتیک کرد و تۆڕەکەی هەژاند، یامال هۆکاری سەرەکی بۆ لاوازی ویڵیامس لە بەرگریکردن دەگەڕێنێتەوە، چونکە نەیتوانی بە تەواوی بۆشاییەکەی لەبەردەم دابخات و رێگری لە شووتەکەی بکات، لە دوای یارییەکە یامال گوتی
بە بردنەوەی تیمەکەم زۆر دڵخۆشم، گرنگە یەکەم یاری لە یاریگای خۆت ببەتەوە. نیکۆ ویڵیامسم بینی و دەزانم لەڕووی بەرگرییەوە زۆر باش نییە، دواتر بۆشاییەکی شووتم بینی و ئاڕاستەی گۆڵم کرد. یارییەکان بە ژمارەی گۆڵ یەکلاییدەکرێنەوە، بەڵام من و نیکۆ دوو هاوڕێی باشین.
بارسێلۆنا زۆر هەوڵی گواستنەوەی ویڵیامسیدا، بەڵام یاریزانەکە مانەوەی لە یانە باسکییەکە پشتڕاستکردەوە و دانی ئۆلمۆی گواستەوە، کە تاوەکو ئێستا بەهۆی کێشەی تۆمارکردنی ناوی لە لالیگا، بەشداری یارییەکانی لەگەڵ بارسا نەکردووە.
