یاریگا –
جود بێڵینگهام، ئەستێرەی هەڵبژاردەی ئینگلتەرا و یانەی ریال مەدریدی ئیسپانی باس لە پێكانە كوشندەكەی دەكات، پێش یارییەكەیان بەرامبەر ریال ڤایادۆلید.
وا بڕیارە سبەی یەكشەممە كاتژمێر 18:00 بە كاتی كوردستان ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ریال ڤایادۆلید بكات، لە میانی یارییەكانی هەفتەی دووەمی لالیگای ئیسپانیا.
دوێنێ ریال مەدرید لە بەیاننامەیەكی فەڕمیدا پێكانی جود بێڵینگهام ئەستێرەی یانەكەی راگەیاند.
لە دوای پێكانەكەی جود لە هەژماری تایبەتی خۆی لە پلاتفۆرمی ئێكس گوتی:
هیچ شتێك نییە لە لەدەستدانی یارییەكان زیاتر رقم لێیبێت، بەڵام هەوڵدەدەم ئەرێنی بم، چونكە جەستەم پێم دەڵێت پێوویستی بە پشوودانی زیاترە دوای ساڵێكی دوور و درێژ. هەست بە بێزارییەكی زۆر دەكەم، بەڵام وەك هاندەرێك پشتگیری یاریزانەكان دەكەم، تاوەكو ئەو كاتەی دەتوانم لە باشترین و بەهێزترین ئاستێ خۆمدا پەیوەندیان پێوە بكەمەوە، سوپاس بۆ پەیامە نیگەرانی و پشتگیرییەكانتان.
خۆشەویستیەكی زۆر و هەلا مەدرید.
Nothing I hate more than missing games but trying to see the positive side and maybe my body is telling me it needs a bit more rest after a busy year. I’m very frustrated but I’ll be supporting the lads like a fan until I can rejoin them again in my best and strongest form.… pic.twitter.com/HOdv3FCiUh
— Jude Bellingham (@BellinghamJude) August 23, 2024
بەگوێرەی جۆری پێکانەکەی پێشبینی دەکرێت بێڵینگهام بۆ ماوەی مانگێک لە یاریگاکان دووربکەوێتەوە، هەر بەو هۆکارە رەنگە لە حەوت یاریی یانەکەی بێبەش ببێت.
