چارەنووسی دیبالا یەکلاکرایەوە
یاریگا –
لە پێشهاتێکی کتوپڕدا چارەنووسی پاولۆ دیبالا یەکلابووەوە کە تا رادەیەکی زۆر چاوەڕواننەکراوبوو.
فابریزۆ رۆمانۆ لە هەواڵێکی بەپەلەدا بڵاویکردەوە کە دیبالا لەگەڵ رۆما دەمێنێتەوە.
🚨🟡🔴 BREAKING: Paulo Dybala STAYS at AS Roma.
The bid from Al Qadsiah has been REJECTED. pic.twitter.com/H4lnV4gOgt
— Fabrizio Romano (@FabrizioRomano) August 22, 2024
وەک رۆمانۆ ئاشکرای کردووە، ئەو بڕە پارەیە (75 ملیۆن یۆرۆ بۆ سێ ساڵ) کە قادسیە ئامادەبوو بیدات، رەتکراوەتەوە و خودی دیبالاش مانەوەی لە رۆما ویستووە.
⛔️🇸🇦 Paulo Dybala has rejected €75m package as salary spread over three years from Al Qadsiah…
…he wanted to stay at AS Roma. 🟡🔴 pic.twitter.com/UPrU4DWD8L
— Fabrizio Romano (@FabrizioRomano) August 22, 2024
دوێنێ بوو سەرچاوەکانی هەواڵ لە ئیتاڵیاوە لەنێوشیاندا جیانلوکا دی مارزیۆ، رێککەوتنی قادسیە و دیبالایان بڵاوکردەوە بەوەی هێرشبەرەکەی رۆما بۆ ماوەی سێ ساڵ پەیوەندی بە یانە سعودیەکەوە دەکات بە مووچەی ساڵانەی 25 ملیۆن یۆرۆ.
هێرشبەرە 30 ساڵانەکە وەرزی رابردوو لەگەڵ گورگەکانی پایتەخت ئاستێکی نموونەیی پێشکەشکرد کە توانی لە 28 یاری خولی ئیتاڵیدا 13 گۆڵ تۆمار بکات لەگەڵ 9 ئەسیست. لە یۆرۆپالیگیش لە 9 یارییدا دوو گۆڵ و ئەسیستێکی هەبوو.
قادسیە تا ئێستا لەم هاوینە سێ یاریزانی ناوداری خولەکانی ئەورووپای گواستووەتەوە. ئەوانیش ناچۆ و ئۆبامیانگ و کارلۆس خیمینێزن.
