مانچێستەر یونایتد لەگەڵ گەوهەرێکی ئەفریقی رێککەوت
یاریگا –
یانەی مانچێستەر یونایتد گرەوەکەی لە رکابەرەکانی بردەوە و گەوهەرەکەی ئەفریقای گواستەوە.
مان یو لەم هاوینە چوار گرێبەستی ئەنجام دا کە سیانیان لە هێڵی بەرگری و یەکێک بۆ هێڵی پێشەوە. ئێریک تێن هاخ عەوداڵی دۆزینەوەی یاریزانێک بوو بۆ ناوەڕاستکاری بەرگری، لە کۆتاییدا توانی لەگەڵ سێکو کۆنێی مالی رێکبکەوێ.
لاوە ئەفریقیەکەی تەمەنی 18 ساڵە و بەگوێرەی زانیارییەکانی فابریزۆ رۆمانۆ گرێبەستێکی ماوە درێژی لەگەڵدا واژۆدەکرێ.
🚨🔴 EXCLUSIVE: Man United agree deal to sign 2006 born Mali international talent Sékou Koné from Guidars FC, here we go!
Koné was on the list of several clubs but United have agreed deal today. 🇲🇱
Considered top talent, he’s part of long term plans similar to Chido Obi Martin. pic.twitter.com/WywZyfyIp7
— Fabrizio Romano (@FabrizioRomano) August 22, 2024
کۆنێ کە لە یانەی گویدارسی وڵاتەکەی یاریدەکات، لە لیستی چەند یانەیەکی دیکە بووە بۆ گواستنەوەی، بەڵام مانچێستەر یونایتد توانی پرۆسەکە لە سوودی خۆی یەکلابکاتەوە.
بەگوێرەی سەرچاوە نزیکەکانی لە یانە ئینگلیزیەکەوە، لاوە مالییەکە جارێ سەرناخرێ بۆ تیمی یەکەمی مان یو، بەڵکو لەگەڵ 21 ساڵانی ئەو یانەیە بەشداریپێدەکرێ بۆ راهاتنی لەگەڵ ژیانکردن لە ئینگلتەرا.
