یاریگا –
کریستیانۆ رۆناڵدۆ تەنیا بە 24 کاتژمێر چەندان ریکۆردی لە یوتیوب شکاند و بەپێش بەناوبانگترین و پڕبینەرترین یوتیوبەرەکانی جیهان کەوتەوە.
کریستیانۆ رۆناڵدۆ کە دوێنێ (21ـی ئاب/ئۆگەستی 2024) لە یوتیوب چەناڵێکی کردەوە، تەنیا بە 12 کاتژمێر بووە خاوەنی 10 ملیۆن سەبسکرایبەرس، لەکاتێکدا متسەر بیست یوتیوبەری بەناوبانگی جیهانی بە 132 رۆژ هێندە سەبسکرایبەرسی پەیدا کرد.
کریستیانۆ رۆناڵدۆ تەنیا بە 24 کاتژمێر ژمارەی سەبسکرایبەرەکانی گەیاندە 20.5 ملیۆن سەبسکرایبەرس، کەچی لیۆنێل مێسی ئەستێرەی تۆپی پێی ئەرجەنتینی لەوەتەی ساڵی 2006 چەناڵی یوتیوبی هەیە، کەچی 18 ساڵە تەنیا خاوەنی 2.4 ملیۆن سەبسکرایبەرسە، دۆن 10 هێندەی لیۆ سەبسکرایبەرسی هەیە.
کریستیانۆ رۆناڵدۆ بووە یەکەم کەس لە مێژووی یوتیوبدا لە ماوەی 24 کاتژمێردا 20 ملیۆن سەبسکرایبەرس پەیدا بکات، کە لەوەتەی ساڵی 2005 ئەم پلاتفۆڕمە دامەزراوە.
