تەواو؛ کانسێلۆ و هیلال گەیشتنە رێککەوتن

یاریگا –

کانسێلۆ روودەکاتە خولی رۆشنی سعوودی و لەگەڵ یانەی هیلال گەیشتە رێککەوتن.

رۆژنامەی ئابۆلی پۆرتوگاڵی ئاشکرایکردووە، یانەی هیلالی سعوودی لەگەڵ یانەی مانچێستەر سیتی ئینگلیزی گەیشتووەتە رێککەوتن، یانە ئینگلیزییەکە بەرامبەر 40 ملیۆن یۆرۆ دەستبەرداری بەرگریکارە 30 ساڵانەکەی دەبێت.

رۆژنامە پۆرتوگاڵییەکە راشیگەیاندووە، کانسێلۆنا و یانە سعوودییەکەش رێککەوتوون، بەرگریکارە پۆرتوگاڵییەکە بۆ ماوەی سێ ساڵ بەرامبەر 70 ملیۆن یۆرۆ گرێبەست لەگەڵ یانە سعوودییەکە واژۆ دەکات.

بەرگریکارە 30 ساڵانییەکە وەرزی رابردوو بەشێوەی خواستن یاریی بۆ بارسێلۆنا کرد، لە سەرجەم پاڵەوانێتییەکان بەشداری 42 یاریی کرد، 4 گۆڵی کرد و 5 گۆڵی دروستکرد.

سەرەڕای پێشکەشکردنی ئاستێکی بەرز، یانە کاتالۆنییەکە بەهۆی بەرزی مووچەی یاریزانەکە نەیتوانی گرێبەستەکەی بکات بە هەمیشەیی و جواو گەڕایەوە مانچێستەر سیتی.