میلان بە مەرجێک دەستبەرداری رافایێل لیاو دەبێت
یاریگا –
یانەی ئەیسی میلانی ئیتاڵی ئامادەیە بە مەرجێك دەستبەرداری رافایێل لیاو ئەستێرەی پۆرتوگالی یانەكەی ببێت.
لیاو لە هاوینی 2019 بەرامبەر 49.5 ملیۆن یۆرۆ لە لیلی فەڕەنسییەوە روویکردە ریزەکانی ئەیسی میلان و تاوەکو هاوینی 2028 گرێبەستی لەگەڵ ئەو یانەیە هەیە.
گرێبەستی رافایل لیاو لە نێوان خەون و راستیدا؛ بارسێلۆنا دەتوانێت بیگوازێتەوە ریزەکانی؟
لە ماوەی رابردوودا رۆژنامەكان ئاشكرایانكرد یانەی بارسێلۆنای ئیسپانی خواستی خۆی بۆ گواستنەوەی هێرشبەرە پۆرتوگالیەكە دەربڕیوە.
بە گوێرەی زانیارییەكانی لاگازێتا دێلۆ سپۆرتی ئیتاڵی، ئەیسی میلان نایەوێت دەستبەرداری لیاو بێت و پێیان وایە یاریزانەكە بۆ فرۆشتن نیە و رێگە نادەن یاریزانەكە ریزەكانی یانەكەیان جێبهێڵێت.
ئاماژە بەوەشكراوە، تاكە مەرج بۆ دەستبەرداربوون لە یاریزانەكە ئەوەیە بڕی هەڵوەشاندنەوەی گرێبەستەكەی بدرێت.
سەرچاوە ئیتاڵییەكە ئەوەشی ئاشكرا كردووە، بڕی هەڵوەشاندنەوەی گرێبەستەكەك رافایێل لیاو 175 ملیۆن یۆرۆیە.
🚨 ¡Inalcanzable para el Barça!
💸 Según La Gazzetta dello Sport, el Milan considera a Leao intransferible, y solo dejará salir al jugador portugués si alguien paga su cláusula
🔗 https://t.co/0Qa3oyuLSS pic.twitter.com/Hz3uRrQXO9
— Diario AS (@diarioas) August 21, 2024
لیاو وەرزی رابردوو بە درێسی رۆسۆنێری لە 47 یاری 15 گۆڵ و 14 ئەسیستی کرد.
