یاریگا –
کارلۆس سۆلێری ئیسپانی لە جێهێشتنی پاریس سانجێرمان نزیکدەبێتەوە.
سۆلێر لە دانیشتن لەسەر کورسی یەدەکی پاریس بێزاربووە، بەهۆی گواستنەوەی جواو نێڤێشی پۆرتوگالی لەمەودوا دەرفەتی یاریکردنی یاریزانە ئیسپانییەکە بەشێوەی سەرەکی کەمتریش دەبێتەوە.
🚨⚒️ Carlos #Soler, definitely one to watch for West Ham in the next days as the 27 y/o is on their list!
Soler could leave Paris Saint-Germain until Deadline Day. Contract valid until 2027.
West Ham have made first approaches as first via @sanchis14 and confirmed.… pic.twitter.com/q26hBeK6du
— Florian Plettenberg (@Plettigoal) August 20, 2024
رۆژنامەنووسی سکای ئەڵمانیا فلۆریان پلێتنبێرگ بڵاویکردووەتەوە، وێستهام یونایتد چاوی بڕیووەتە تواناکانی ناوەڕاستکارە تەمەن 27 ساڵانییەکە و پلانی گواستنەوەی داڕشتووە.
هەر بەگوێرەی زانیارییەکانی فلۆریان، بۆ گواستنەوەی سۆلێر، یانە ئینگلیزییەکە یەکەم گفتوگۆی لەگەڵ پاریس کردووە، ئەگەری هەیە لە کۆتا رۆژەکانی مێرکاتۆ گرێبەستەکەی یەکلایی بکەنەوە.
سۆلێر لە هاوینی 2022 لە ڤاڵێنسیاوە بەبڕی 18 ملیۆن یۆرۆ پەیوەندی بە پاریس سانجێرمان کرد، لە سەرجەم یارییەکان 63 یاریی بۆ یانە فەرەنسییەکە کردووە، هەشت گۆڵ و هەشت ئەسیستی کردووە.
