گواردیۆلا رووناکی سەوز بۆ گەڕانەوەی گوندۆگان هەڵدەکات
پێشوازییەکی گەرم...
یاریگا –
پێپ گواردیۆلا لەسەر گەڕانەوەی ئیلکای گوندۆگان بۆ مانچێستەر سیتی رەزامەندە.
رۆژنامەنووسی ئیتالی فابریزیۆ رۆمانۆ بڵاویکردووەتەوە، گفتوگۆی دوێنێی نێوان گوندۆگان و نوێنەرانی مانچێستەر سیتی ئەرێنی بووە، هەمووان بە گەیشتنە رێککەوتن گەشبینن.
هەر بەگوێرەی زانیارییەکانی رۆمانۆ، پێپ گواردیۆلا رووناکی سەوزی بۆ گەڕانەوەی ئەستێرە ئەڵمانییەکە هەڵکردووە و بە گەڕانەوەی یاریزانەکە بۆ مانچێستەر زۆر دڵخۆش دەبێت.
🔵🇩🇪 Contacts between Ilkay Gündogan’s camp and Manchester City on Tuesday have been positive with all parties optimistic.
Gündogan would join for free from Barça, NO transfer fee.
Final green light up to Gündo, as Pep already said yes. pic.twitter.com/TcSHWU6AlW
— Fabrizio Romano (@FabrizioRomano) August 21, 2024
لەلای خۆیەوە بارسێلۆنا کارئاسانی تەواو بۆ رۆیشتنی گوندۆگان دەکات، بەبێ بەرامبەر دەستبەرداری یاریزانەکە دەبێت و هیچ بڕە پارەیەک لە مانچێستەر سیتی داوا ناکات.
ئیلکای لە هاوینی رابردوودا، بە گواستنەوەیەکی ئازاد پەیوەندی بە بارسێلۆنا کرد. لە وەرزێکدا پێنج گۆڵ و 9 ئەسیستی لە 36 یاریدا هەبوو.
چوونە دەرەوەی ئەستێرە ئەڵمانییەکە، رێگەی تۆمارکردنی ناوی دانی ئۆلمۆ لە لالیگا ئاسان دەکات و رەنگە بەشداری لە یاریی داهاتووی بارسا بەرامبەر ئاتلێتیک بیلباو بکات.
