ئاتاڵانتا گڕی لە بازاڕەکە بەرداوە؛ گواستنەوەیەکی دیکە بۆ تیمەکەی گاسپەرینی
یاریگا –
ئاتاڵانتا بەردەوامە لە جموجوڵەکانی گواستنەوەی یاریزان و بازاڕێکی چالاک بەڕێدەکات ئەم هاوینە.
یانە ئیتاڵییەکە تا ئێستا حەوت یاریزانی گواستووەتەوە و ئەمڕۆیش بە هەواڵێکی دیکە هاندەرانی بەسەرکردەوە.
وەردەکاریی گواستنەوەکانی ئاتاڵانتا لەم بابەتەی خواروەدا بخوێنەوە:
ئاتاڵانتا حەوتەم یاریزانی گواستەوە و لووکمانیش داوایەک لە یانەکەی دەکات
بەگوێرەی نوێترین زانیاریی کە فابریزۆ رۆمانۆ بڵاویکردووەتەوە، ئاتاڵانتا لەگەڵ تۆرینۆ گەشتووەتە رێککەوتن بۆ گواستنەوەی راول بێلانۆڤا.
رۆمانۆ تێچووی گواستنەوەکەشی ئاشکراکردووە کە 20 ملیۆن یۆرۆیە لەگەڵ گۆڕانکارییەکان. خودی یاریزانەکەش بە مەرجە کەسیەکان رازی بووە.
🚨⚫️🔵 EXCL: Raoul Bellanova to Atalanta, here we go! Important signing as deal has been agreed with Torino.
€20m fixed fee plus add-ons. Bellanova has also agreed on personal terms.
Exclusive story from today confirmed as Torino advance to sign Pedersen from Feyenoord as RB. pic.twitter.com/kHwXhlvdU3
— Fabrizio Romano (@FabrizioRomano) August 20, 2024
بێلانۆڤای تەمەن 24 ساڵ لە پێگەی بەرگری لای راست یان باڵی ڕاست یاریدەکات. توانایەکی باشی هێرشبەریی هەیە و وەرزی رابردوو لە 37 یاری سێریائەی توانی گۆڵێک و 7 ئەسیست بکات.
تیمەکەی گاسپەرینی کە وەرزی رابردوو توانیان یۆرۆپالیگ ببەنەوە، ئەم وەرزەیان بە بردنەوەیەکی گەورەی 4-0 بەرانبەر لیچی دەستپێکرد و چاویان لەوەیە ئەم وەرزە لەسەر ئاستی ناوخۆیی و چامپیۆنزلیگیش رکابەرێکی بەهێزبن.
