یاریگا –
رۆژنامەنووسێکی نزیک لە لیڤەرپوول وادەی رۆشتنی موحەمەد سەڵاحی راگەیاند.
بابەتی چوونی ئەستێرە میسڕیەکە لە ئانفیڵد نوێ نییە و ماوەماوە سەرهەڵدەداتەوە. دەنگۆی رۆیشتنی ئەو گەشتە بەهێزترین ئاستی کاتێک یۆرگن کلۆپ زستانی رابردوو بڕیاریدا کۆتایی وەرزەکە یانەکە جێبهێڵێت. کلۆپ رۆیشت و هاتنی ئارنە سڵۆت سەڵاحی ناچارکرد بە مانەوە بۆ وەرزێکیتر.
بەگوێرەی زانیارییەکانی ئیان دوێلی رۆژنامەنووسی نزیک لە ڕێدز کە زیاتر لە 20 ساڵە رووماڵی رووداوەکانی ئەو یانە و ئەمجامەکانیان دەکات، ئاشکرای کردووە کە سەڵاح کۆتایی ئەم وەرزی وەک یاریزانی ئازاد لیڤەرپوول جێدەهێڵێ.
🚨 Mo Salah is set to LEAVE Liverpool on a free transfer at the end of the season, as things stand.
(Source: @IanDoyleSport) pic.twitter.com/s1lMKBEhdU
— Transfer News Live (@DeadlineDayLive) August 20, 2024
هێشتا هیچ جێگەیەک بۆ وێستگەی داهاتووی هێرشبەرە 32 ساڵانەکە دیارینەکراوە، بەڵام سعودییەکان دەمێکە راوی ئەو دەکەن و وەک ئامانجێکی پرۆژە گەورە و گشتگیرەکان سەیری دەکەن. بۆیە بە ئەگەرێکی زۆرەوە رووبکاتە خولی ئەو وڵاتە.
لەوەتەی هاوینی 2017 لە رۆماوە پەیوەندیکرد بە لیڤەرپوولەوە، سەڵاح توانیویەتی 212 گۆڵ تۆماربکات و سێیەم گۆڵکاری مێژوویی یانەکەیە. یەکێکە لە کۆڵەگە سەرەکیەکانی لیڤەر لە بردنەوەی نازناوەکانی پرێمەرلیگ و چامپیۆنزلیگ کە ساڵانێکی زۆر لێی بێبەشبوون.
