تەواو؛ گوندۆگان یانەی داهاتووی هەڵدەبژێرێت
ئیلکای بارسێلۆنا جێدەهێڵێت
یاریگا –
مانچێستەر سیتی لە گواستنەوەی ئیلکای گوندۆگان نزیکە.
تۆڕی ئاتلێتیک بڵاویکردووەتەوە، یاریزانی بارسێلۆنا دەیەوێت بگەڕێتەوە مانچێستەر سیتی و تەواوی ئۆفەرەکانی دیکەی وەلاناوە.
بارسێلۆنا ئامادەیە چوونە دەرەوەی گوندۆگان ئاسان بکات، چونکە ناتوانێت چیدیکە بەرگەی بەرزی مووچەی گوندۆگان بگرێت.
هەرچەندە تاوەکو ئێستا گوندۆگان و مان سیتی گفتوگۆیان لەسەر مەرجەکانی کەسی نەکردووە، بەڵام پێپ گواردیۆلا و گوندۆگان قسەیان لەبارەی گواستنەوەکە کردووە.
🚨 Manchester City are frontrunners to re-sign Ilkay Gundogan.
He is expected to leave Barcelona for free. Terms between the player and City still need to be discussed. Pep and Gundogan have already spoken. https://t.co/bAtNgJ3bjC@TheAthleticFC
— Pol Ballús (@polballus) August 20, 2024
گرێبەستی گوندۆگان لە هاوینی ساڵی 2026 لە بارسێلۆنا بەسەردەچێت، بەڵام پێدەچێت لەم هەفتەیەدا هەموو شتێک کۆتایی پێبهێت و بگەڕێتەوە ریزەکانی پاڵەوانی ئینگلتەرا.
گوندۆگان پێنج نازناوی پرێمەرلیگ، دوو جامی FA و چامپیۆنزلیگێکی لە ماوەی حەوت ساڵدا لەگەڵ مان سیتی بەدەستهێنابوو.
گوندۆگان لە هاوینی ساڵی 2017 لە بۆڕووسیا دۆرتموندەوە پەیوەندی بە مان سیتی کرد. گوندۆ 188 یاری لەگەڵ سیتیزنز کرد و رۆڵێکی باڵای لە پێکهاتەی گواردیۆلادا هەبوو.
ئیلکای لە هاوینی رابردوودا، بە گواستنەوەیەکی ئازاد پەیوەندی بە بارسێلۆنا کرد. لە وەرزێکدا پێنج گۆڵ و 9 ئەسیستی لە 36 یاریدا هەبوو.
بەهۆی کێشەکانی داراییەوە، بارسێلۆنا ناچاربوو دەستبەرداری هەریەکە لە عوسمان دێمبێڵی، ئانتوان گریزمان و لیۆنێل مێسی بوو.
چوونە دەرەوەی گوندۆگان، رێگەی تۆمارکردنی ناوی دانی ئۆلمۆ لە لالیگا ئاسان دەکات و رەنگە بەشداری لە یاریی داهاتووی بارسا بەرامبەر ئاتلێتیک بیلباو بکات.
