یاریگا –
جەیمی ڤاردی، ئەستێرەی ئینگلیزی یانەی لێستەر سیتی وەڵامی سوكایەتیەكانی هاندەرانی تۆتنهام دەداتەوە.
شەوی رابردوو لێستەر سیتی لە یاریگای كینگ پاوەر میوانداری تۆتنهامی كرد و یارییەكەش بە ئەنجامی گۆڵێك بۆ هەردوولا یەكسان بوون، لە میانی یارییەكانی هەفتەی یەكەمی پرێمەرلیگ.
لێستەر سیتی وەرزی رابردوو لە چامپیۆنشیپ یارییان دەكرد و بە راهێنەرایەتیكردنی ئێنزێ مارێسكا توانیان خۆیان بگەیەننەوە پرێمەرلیگ.
لە كۆی 46 یاری توانیان 31 یاری براوە بن و چوار یاریش یەكسان بن و لە 11 یاری تووشی شكست بوون، 97 خاڵیان كۆكردەوە و بە پلەی یەكەم خۆیان گەیاندەوە پرێمەرلیگ.
Jamie Vardy reminded Spurs fans he’s got a Prem title and they haven’t 💀 pic.twitter.com/qObafitLtL
— B/R Football (@brfootball) August 19, 2024
لە خولەكی 73ی یارییەكەدا جەیمی ڤاردی یاریگای جێهێشت و لە كاتی چوونە دەرەوەیدا هاندەرانی تۆتنهام فیكەیان دژی لێدەدا و سوكایەتیان پێ دەكرد.
لە وەڵامدا ڤاردی ئاماژەی بە هێمای نازناوی خولی ئینگلیزی كرد و بە دەست ئاماژەی بەوە دەكرد كە لێستەر خاوەنی نازناوێكی پرێمەرلیگە بەڵام تۆتنهام هیچ نازناوێكیان نیە.
لێستەر لە دووەم یاری خۆیدا رووبەرووی فولهام دەبێتەوە.
