تێری هێنری دەستی لە راهێنەرایەتی هەڵبژاردەی ئۆڵێمپی فەڕەنسا کێشایەوە

یاریگا –

تێری هێنری بەفەرمی دەستی لە راهێنەرایەتی هەڵبژاردەی ئۆڵێمپی فەڕەنسا کێشایەوە.

تێری هێنری لە بەیاننامەیەکیدا دەستلەکارکێشانەوەی لە راهێنەرایەتی هەڵبژاردەی ئۆڵێمپی فەڕەنسا راگەیاندووە، کە سەرەتای ئەم مانگە ئەو راهێنەرە فەڕەنسییە لە ئۆڵێمپیادی پاریس مێداڵیای زیوی بۆ هەڵبژاردەکەی بەدەستهێنا و لە یاریی کۆتایی بە ئیسپانیا دۆڕان.

هێنری لە بەیاننامەکەیدا هۆکاری دەستلەکارکێشانەوەکەی بۆ هۆکاری کەسی و تایبەت بە خۆی گەڕاندووەتەوە و سوپاسی فیدراسیۆنی تۆپی پێی وڵاتەکەی و یاریزانان و دەستەی راهێنەران و کارگێڕانی کردووە.