یاریگا –
مانچێستەر سیتی هەوڵەکانی چڕترکردووە بۆ قایلکردنی ئەستێرەیەکی بە مانەوە لە یاریگای ئیتیحاد، ئەو بەتایبەت کە سیتی زانیاریی هەیە بارسێلۆنای ئیسپانی مرخی لێخۆشکردووە.
بەگوێرەی زانیارییەکانی دەیلی میرەری بەریتانی کە زۆرێک لە سەرچاوەکانی ئەورووپاش بڵاویانکردووەتەوە، سیتی کەوتووەتەخۆی بۆ نوێکردنەوەی گرێبەستی رۆدری ئیسپانی لە یانەکەی. بۆ ئەو مەبەستەیش ئامادەیە مووچەکەی بۆ بکات بە دووهێندە.
@diarioas 🚨 El City le ofrece un salario dos veces mayor que el actual para que renueve y no atienda a los cantos de sirena que provienen del Bernabéu
✍️ @XaviHeras_https://t.co/JcQ82fJKjO— Diario AS (@diarioas) August 18, 2024
ناوەڕاستکارە ئیسپانییەکە کە لەوەتەی هاوینی 2019 پەیوەندیکردنی بە مان سیتیەوە وەک کۆڵەگەیەکی سەرەکی پێپ گواردیۆلایە لە بردنەوەی نازناوەکان، گرێبەستی ئێستای لە ساڵی 2027 بەسەردەچێت، بەڵام سیتی سوورە لەسەر هێشتنەوەی بۆ زیاتر لەو ماوەیەش.
مووچەی هەفتانەی ئێستای ناوبراو خۆی دەدات لە زیاتر لە 220 هەزار دۆلار. یانەکەی دەیەوێ هاوتای بکاتەوە لەگەڵ کیڤن دی بروین و ئێرلینگ هالاند. بەوەش بەرزدەبێتەوە بۆ 480 هەزار دۆلاری هەفتانە.
