یاریگا –
رۆژی چوارشەممەی رابردوو بوو کاتێک هەواڵی پەیوەندیکردنی پاولۆ دیبالا بە خولی سعودیەوە میدیاکانی تەنی، ئێستایش راهێنەری رۆما کۆتا پێشهات لەو بارەیەوە باس دەکات. وردەکاری لەم بابەتەی خوارەوەدا بخوێنەوە:
سبەی رۆما لە یەکەم یاریی وەرزی خولی ئیتاڵی دەبنە میوانی یانەی کالیاری. لە کۆنفرانسی رۆژنامەوانی پێش یارییەکە دانیێلی دی رۆسی راهێنەر باسی دۆخی ئەستێرە ئەرجەنتینیەکەی کرد و وتی
پاولۆ بانگهێشتکراوە بۆ یارییەکەی سبەینێ. هەر سبەینێش روونکردنەوەمان پێدەدات و منیش لە ئێستادا ناتوانم هیچ شتێ بڵێم. هێشتا هیچ شتێکیش رووینەداوە. بۆیا با ببینین جارێ.
🚨🇸🇦 AS Roma manager De Rossi on Dybala and Al Qadsiah: “Paulo has been called up for tomorrow”.
“Dybala will explain the situation tomorrow but in this moment I can’t say anything. Nothing is done yet. Then we will see”. pic.twitter.com/URme5InRIN
— Fabrizio Romano (@FabrizioRomano) August 17, 2024
هێرشبەرە 30 ساڵانەکە وەرزی رابردوو لەگەڵ گورگەکانی پایتەخت ئاستێکی نموونەیی پێشکەشکرد کە توانی لە 28 یاری خولی ئیتاڵیدا 13 گۆڵ تۆمار بکات لەگەڵ 9 ئەسیست. لە یۆرۆپالیگیش لە 9 یارییدا دوو گۆڵ و ئەسیستێکی هەبوو.
