لە چەند کاتژمێری داهاتوودا داڤید نێرێس پەیوەندی بە گەورەیەکی ئیتاڵیاوە دەکات
یاریگا –
پەیوەندیکردن و راگەیاندنی داڤید نێرێس بە یانەی ناپۆلی ئیتاڵیەوە تەنها لەسەر کات وەستاوە و ئەوەش لە چەند کاتژمێری داهاتوودا رادەگەیەندرێ.
نێرێس لە دیارترین تیمە لاوەکەی ئایاکاسی وەرزی 2017-2022 بوو کە توانیان سێ وەرزی لەسەریەک خولی هۆڵەندی ببەنەوە، ئەوە جگە لە گەیشتنیان بە یاریی پێش کۆتایی چامپیۆنزلیگ لە وەرزی 2018-2019. لە ساڵی 2022 یانەکەی جێهێشت و روویکردە شاختار، هەر هەمان ساڵیش بۆ بێنفیکای پۆرتوگالی و لە یەکەم ساڵیدا توانیان نازناوی خولی ئەو وڵاتە ببەنەوە.
بەگوێرەی زانیارییەکانی فابریزۆ رۆمانۆ، نێرێس رۆژی یەکشەممە گەشتی ناپلی دەکات و رەنگە دووشەممە پشکینە پزیشکیەکانیشی بۆ ئەنجام بدرێت.
🚨🔵 Understand Napoli have all set for David Neres to travel on Sunday with medical tests right after, possible on Monday!
Final details of deal worth fee close to €30m to be fixed in the next 48h with Benfica, then deal will be sealed.
Here we go, soon. ⏳🇧🇷 pic.twitter.com/DZwJnfb8CS
— Fabrizio Romano (@FabrizioRomano) August 15, 2024
رۆمانۆ بڕی گرێبەستەکەی ئاشکراکردووە و باس لەوە دەکات نزیکەی 30 ملیۆن یۆرۆ دەبێت و لە 48 کاتژمێری داهاتوودا ئەوەش جێگیر دەکرێت لەگەڵ بێنفیکا و گرێبەستەکە رادەگەیەنرێت.
ناپۆلی بە راهێنەرایەتی ئانتۆنی کۆنتی چاویان لە گەڕانەوەیە بۆ کێبڕکێکردن لەسەر نازناوەکان و بۆ ئەو مەبەستەیش دەیانەوێ هێڵێ هێرشبەریان تۆکمەتر بکەن بەتایبەت کە رۆیشتنی ڤیکتۆر ئۆسیمین تەنها لەسەر کات وەستاوە. هەر بۆیە جگە لە نێرێسی بەڕازیلی، گفتوگۆکانیان بەردەوامە بۆ گواستنەوەی رۆمیلۆ لوکاکۆ لە چێڵسی.
